युद्धजन्य परिस्थितीचा परिणाम LPG गॅस वितरणावर? सरकारने बदलले बुकिंगचे नियम; घरबसल्या सिलिंडर मिळवण्याचे ४ मार्ग!

LPG Gas Booking New Rules: केंद्र सरकारने घरगुती गॅस बुकिंगच्या नियमात बदल केला असून, आता दोन सिलिंडर बुकिंगमध्ये किमान २५ दिवसांचे अंतर ठेवणे बंधनकारक आहे. साठेबाजी आणि काळाबाजार रोखण्यासाठी हा निर्णय घेण्यात आला आहे. 

Image Credit : X

युद्धजन्य परिस्थितीचा परिणाम LPG गॅस वितरणावर? सरकारने बदलले बुकिंगचे नियम

LPG Gas Booking New Rules: जर तुम्ही घरगुती गॅस ग्राहक असाल, तर ही बातमी तुमच्यासाठी अत्यंत महत्त्वाची आहे. केंद्र सरकारने गॅस सिलिंडरच्या बुकिंग नियमांमध्ये आता मोठी सुधारणा केली आहे. नवीन नियमानुसार, दोन सिलिंडर बुक करण्यामधील कालावधी आता वाढवण्यात आला आहे. साठेबाजी रोखण्यासाठी आणि सर्वांना गॅसचा पुरवठा सुरळीत व्हावा यासाठी हा निर्णय घेण्यात आला आहे. 

Image Credit : Asianet News

काय आहे नवीन नियम?

आता एका सिलिंडरच्या डिलिव्हरीनंतर दुसरे सिलिंडर बुक करण्यासाठी तुम्हाला किमान २५ दिवस वाट पाहावी लागेल. यापूर्वी हे अंतर २१ दिवसांचे होते. जोपर्यंत २५ दिवसांचा कालावधी पूर्ण होत नाही, तोपर्यंत गॅस कंपन्यांचे सॉफ्टवेअर तुमचे नवीन बुकिंग स्वीकारणार नाही. 

Image Credit : X

नियम बदलण्याचे मुख्य कारण

पश्चिम आशियातील इराण आणि इस्रायल यांच्यातील वाढत्या तणावामुळे कच्च्या तेलाच्या पुरवठ्यावर परिणाम होण्याची शक्यता आहे. या पार्श्वभूमीवर, अनेक ग्राहक भीतीपोटी गरजेपेक्षा जास्त गॅस साठवून ठेवत असल्याचे समोर आले आहे. ही अनावश्यक साठेबाजी आणि काळाबाजार रोखण्यासाठी सरकारने हे पाऊल उचलले आहे. 

Image Credit : X

घरबसल्या गॅस बुकिंग करण्याचे ४ सोपे मार्ग

आता गॅस एजन्सीच्या चकरा मारण्याची गरज नाही. तुम्ही खालील ४ पद्धतींनी काही मिनिटांत बुकिंग करू शकता. 

Image Credit : Getty

१. WhatsApp द्वारे बुकिंग (सर्वात सोपा मार्ग)

Indane: ७७१८९५५५५५ वर 'REFILL' लिहून पाठवा.

HP Gas: ९२२२२०११२२ या क्रमांकावर मेसेज करा.

Bharat Gas: १८००२२४३४४ या क्रमांकावर 'Hi' पाठवून प्रक्रिया सुरू करा. 

Image Credit : Getty

२. मोबाईल ॲपचा वापर

तुमच्या कंपनीचे अधिकृत ॲप (उदा. IndianOil One, HP Pay, किंवा Hello BPCL) डाउनलोड करा. मोबाईल नंबरवरून लॉगिन करून 'Refill' पर्यायावर क्लिक करा. 

Image Credit : Getty

३. अधिकृत वेबसाईट

गॅस कंपनीच्या पोर्टलवर (My Indane, My HP Gas, किंवा eBharatGas) जाऊन ऑनलाईन पेमेंटसह बुकिंग पूर्ण करता येईल.

Image Credit : Getty

४. IVRS किंवा SMS द्वारे

तुमच्या नोंदणीकृत मोबाईल नंबरवरून गॅस कंपनीच्या अधिकृत क्रमांकावर कॉल करा आणि दिलेल्या सूचनांचे पालन करून बुकिंग कन्फर्म करा.

Image Credit : Getty

महत्त्वाची टीप

गॅस पुरवठा साखळीवर ताण येऊ नये म्हणून केवळ गरजेनुसारच बुकिंग करा आणि नवीन २५ दिवसांच्या नियमाचे पालन करा.