नागपुरी संत्री हिवाळ्यात खावीत का? आरोग्यावर काय परिणाम होतो? कुणी संत्री खाऊ नयेत?
Health Benefits of Eating Nagpur Oranges : हिवाळ्यात संत्री खाणं चांगलं आहे का? संत्री खाल्ल्याने सर्दी होते का? नागपुरी संत्री खाण्याचे काय फायदे आहेत? याबद्दल आपण इथे जाणून घेऊया.
हिवाळ्यात संत्री खाल्ल्याने सर्दी होते का?
हिवाळा सुरू झाला आहे. या काळात संत्री खाल्ल्याने सर्दी होते, असा अनेकांचा समज आहे. पण हे खरं आहे का? हिवाळ्यात संत्री खाल्ल्याने आरोग्यावर काय परिणाम होतो, ते पाहूया.
रोगप्रतिकारशक्ती वाढवण्यासाठी नागपुरी संत्री फायदेशीर
हिवाळ्यात नागपुरी संत्री खाणे आरोग्यासाठी खूप फायदेशीर आहे. व्हिटॅमिन सीचा उत्तम स्रोत असल्याने रोगप्रतिकारशक्ती वाढते. यामुळे व्हायरल इन्फेक्शन, सर्दी, खोकला, ताप दूर राहतो.
त्वचेच्या आरोग्यासाठी संत्र्याचे फायदे
हिवाळ्यात त्वचा कोरडी आणि निर्जीव होते. नागपूर संत्र्यामधील व्हिटॅमिन सी त्वचेला ओलसर ठेवते, सुरकुत्या रोखते आणि कोलेजन तयार करते. यामुळे त्वचेला नैसर्गिक चमक मिळते.
पचनक्रिया सुधारण्यासाठी संत्र्याचा वापर
नागपुरी संत्र्यामध्ये फायबर भरपूर असल्याने पचनसंस्था मजबूत होते. हिवाळ्यात बद्धकोष्ठता, गॅसची समस्या जाणवते. रोज एक संत्रं खाल्ल्यास पोटाच्या समस्यांपासून आराम मिळतो.
नागपुरी संत्री खाण्याची योग्य वेळ कोणती?
कधी खावे? : हिवाळ्यात संत्री खाण्याची उत्तम वेळ सकाळ किंवा दुपारची आहे. पण रिकाम्या पोटी किंवा जास्त प्रमाणात खाऊ नका. दिवसाला १-२ संत्री खाणे पुरेसे आहे.
संत्री खाताना कोणती काळजी घ्यावी?
हे लक्षात ठेवा : हिवाळ्यात संत्री खाणे आरोग्यासाठी चांगले असले तरी, घसादुखी किंवा टॉन्सिल्सचा त्रास असल्यास संत्री खाणे टाळावे. यामुळे त्रास वाढू शकतो.