ICICI नंतर HDFC बँकेचा मोठा निर्णय, सेव्हिंग अकाउंटसाठी किमान शिल्लक रक्कम अडीचपट वाढली; ग्राहकांवर अतिरिक्त आर्थिक भार

HDFC बँकेने सेव्हिंग अकाउंटवरील मिनिमम बॅलन्सची मर्यादा ₹१०,००० वरून ₹२५,००० पर्यंत वाढवली आहे. हा बदल १ ऑगस्ट २०२५ पासून नवीन खात्यांसाठी लागू होईल. ICICI बँकेनंतर आता HDFC नेही हा निर्णय घेतल्याने ग्राहकांवर आर्थिक ताण वाढण्याची शक्यता आहे.

Image Credit : ChatGPT

HDFC बँक सेव्हिंग अकाउंट अपडेट: ICICI बँकेनंतर आता HDFC बँकेनेही सेव्हिंग अकाउंटवरील मिनिमम बॅलन्सची मर्यादा मोठ्या प्रमाणात वाढवली आहे. या निर्णयामुळे बँकेचे नवीन ग्राहक आता जास्त शिल्लक रक्कम खात्यात ठेवण्यास बाध्य असतील, अन्यथा त्यांना दंड भरावा लागू शकतो.

Image Credit : Social media

काय आहे नवीन नियम?

एचडीएफसी बँकेने स्पष्ट केलं आहे की १ ऑगस्ट २०२५ पासून नवीन सेव्हिंग अकाउंट उघडणाऱ्या ग्राहकांना त्यांच्या खात्यात किमान ₹२५,००० शिल्लक ठेवावी लागेल. याआधी ही मर्यादा फक्त ₹१०,००० इतकी होती, म्हणजेच ही वाढ तब्बल अडीचपट झाली आहे. नवीन नियम फक्त मेट्रो व अर्बन (शहरी) भागांमध्ये लागू होतील. जर खात्यात ठराविक मर्यादेपेक्षा कमी शिल्लक असेल, तर बँक चार्ज आकारू शकते.

Image Credit : social media

ICICI बँकेनेही घेतला होता असा निर्णय

HDFC च्या अगोदरच ICICI बँकेने सेव्हिंग अकाउंटसाठी किमान शिल्लक मर्यादा ₹५०,००० केली होती, जी पूर्वी ₹१०,००० होती. म्हणजेच त्यांनी थेट ५ पटीने ही मर्यादा वाढवली.

ICICI च्या निर्णयानंतर आता HDFC च्या घोषणेमुळेही ग्राहकांवर आर्थिक दबाव वाढला आहे. ज्या वेगाने खासगी बँका मिनिमम बॅलन्स वाढवत आहेत, ते पाहता अनेक ग्राहक नाराज आहेत. दुसरीकडे काही सरकारी बँका मात्र किमान बॅलन्ससंदर्भातील अटी शिथील करत आहेत.

Image Credit : Social Media

ग्राहकांसाठी काय अर्थ?

हा निर्णय विशेषतः मध्यमवर्गीय आणि विद्यार्थ्यांसाठी आर्थिकदृष्ट्या अडचणीचा ठरू शकतो. सेव्हिंग अकाउंट म्हणजे सामान्य माणसाच्या रोजच्या व्यवहारांचं प्रमुख माध्यम. त्यावर अतिरिक्त अटी लादल्यास बँकिंग व्यवहार करणे कठीण होऊ शकते.

Image Credit : Getty

महत्वाचे मुद्दे एका नजरात

बँक जुनी मर्यादा नवीन मर्यादा वाढीचा प्रमाण

HDFC ₹10,000 ₹25,000 2.5 पट

ICICI ₹10,000 ₹50,000 5 पट

Image Credit : Getty

ग्राहकांनी नवीन खातं उघडण्यापूर्वी या नियमांचा नीट विचार करावा. ज्या ग्राहकांना आपल्या खात्यात ₹२५,००० इतकी रक्कम कायम ठेवणे शक्य नाही, त्यांनी पर्यायी बँका किंवा योजनांचा विचार करणे फायदेशीर ठरू शकतो.