7 Seater SUV: टोयोटा - मारुतीच्या या गाड्या बाजारात येणार! जाणून घ्या वैशिष्ट्ये
7 Seater SUV: मारुती सुझुकी आणि टोयोटा आपल्या ग्रँड विटारा आणि हायरायडर मॉडेल्सच्या 7-सीटर आवृत्त्या लाँच करण्याच्या तयारीत आहेत. नुकतंच लडाखमध्ये या गाडीची चाचणी घेण्यात आली. टोयोटा हायरायडरच्या या 7-सीटर मॉडेलची लांबी जास्त असेल.
नवी 7 सीटर SUV लवकरच
मारुती सुझुकी आणि टोयोटा मिळून ग्रँड विटारा आणि हायरायडरच्या 7-सीटर व्हर्जनवर काम करत आहेत. मारुती सुझुकीने ग्रँड विटारावर आधारित एक नवीन प्रीमियम थ्री-रो एसयूव्ही (तीन रांगा असलेली गाडी) आणणार असल्याची घोषणा आधीच केली आहे.
टेस्टिंग सुरू
टोयोटा किर्लोस्कर मोटरने हायरायडरच्या 7-सीटर मॉडेलची चाचणी सुरू केली आहे. रिपोर्ट्सनुसार, ही एसयूव्ही नुकतीच लडाखमध्ये टेस्टिंग करताना दिसली.
मॉडेल
टेस्टिंगवेळी दिसलेलं मॉडेल सध्याच्या हायरायडरपेक्षा जास्त लांब दिसत होतं. गाडीचा मागचा भाग वाढवलेला असून त्यात अतिरिक्त मागच्या सीटसाठी जागा आहे. गाडी पूर्णपणे झाकलेली असल्यामुळे डिझाइन स्पष्ट दिसत नाही, पण दिसणाऱ्या रिअर ॲक्सल शाफ्टवरून गाडीत ऑल-व्हील ड्राइव्ह (AWD) सिस्टीम असू शकते, असा अंदाज आहे.
या गाड्यांना देणार टक्कर
सध्या मारुती ग्रँड विटारामध्ये फक्त 1.5 लीटर माईल्ड हायब्रीड पेट्रोल-मॅन्युअल व्हेरियंटमध्येच AWD सिस्टीम मिळते. लाँच झाल्यावर, टोयोटा हायरायडर 7-सीटरची स्पर्धा लवकरच येणाऱ्या 7-सीटर रेनॉ डस्टर, मारुती ग्रँड विटारा एसयूव्ही, तसेच बाजारात असलेल्या महिंद्रा XUV700, टाटा सफारी आणि ह्युंदाई अल्काझार यांसारख्या एसयूव्हींशी होईल.
डिझाइन
या गाडीत क्रिस्टल ॲक्रेलिक ग्रिल, स्लिम डबल-लेयर डीआरएलसह एलईडी हेडलॅम्प, ॲलॉय व्हील्स, दारांवर 'हायब्रीड' बॅज आणि मागच्या बाजूला स्लिम सी-आकाराचे टेललाइट्स दिले जाऊ शकतात.
5-सीटर हायरायडरसारखंच इंटिरियर
नवीन टोयोटा हायरायडर 7-सीटरचं इंटिरियर बऱ्यापैकी 5-सीटर मॉडेलसारखंच असण्याची शक्यता आहे. सीटची संख्या वाढवण्याव्यतिरिक्त, केबिन लेआउट आणि फीचर्स 5-सीटर हायरायडरसारखेच राहतील. गाडी वेगळी दिसावी यासाठी टोयोटा नवीन ट्रिम, नवीन सीट कव्हर डिझाइन किंवा वेगळी इंटिरियर थीम देऊ शकते.
1.5 लीटर टीएन्जीए ॲटकिन्सन सायकल इंजिन
सध्याच्या 5-सीटर टोयोटा हायरायडरमध्ये 1.5-लीटर TNGA ॲटकिन्सन सायकल इंजिन आहे, जे 92 bhp पॉवर आणि 122 Nm टॉर्क निर्माण करते. हे इंजिन एका इलेक्ट्रिक मोटरशी जोडलेले आहे, जी 79 bhp पॉवर आणि 141 Nm टॉर्क देते. दोन्ही मिळून 114 bhp ची एकत्रित पॉवर मिळते.
1.5 लीटर K15C पेट्रोल इंजिन
या गाडीत 1.5-लीटर K15C पेट्रोल इंजिनचा पर्यायही उपलब्ध आहे, जो 103 bhp पॉवर आणि 137 Nm टॉर्क निर्माण करतो. यासोबत 5-स्पीड मॅन्युअल किंवा 6-स्पीड टॉर्क कन्व्हर्टर ऑटोमॅटिक गिअरबॉक्सचा पर्याय मिळतो.
