Google Doodle लाही इडलीच्या अविट चविची भूरळ, दाक्षिणात्य डिश केली सेलिब्रेट!
Google Doodle Idli : हे आजचं खास आकर्षण आहे. मऊ, आरोग्यदायी आणि वाफेवर शिजवलेली इडली लोक वेगवेगळ्या प्रकारच्या चटणीसोबत खातात. केवण दक्षिणेत नाही तर महाराष्ट्रातही याची क्रेझ आहे. या इडलीला गुगल डुडलवर सेलिब्रेट करण्यात आले आहे.
लोकप्रिय दक्षिण भारतीय पदार्थ
आज सकाळी गूगल होमपेज उघडल्यावर तुम्हाला एक आश्चर्य दिसले असेल. आजच्या गूगल डूडलमध्ये लोकप्रिय दक्षिण भारतीय पदार्थ इडली होता. मऊ, आरोग्यदायी आणि वाफेवर शिजवलेला हा पदार्थ लोक वेगवेगळ्या चटण्यांसोबत खातात.
इडलीचा दिवस
तुम्ही गूगल ब्राउझर उघडून डूडलवर क्लिक केल्यास, एक छोटी टीप दिसते. त्यात लिहिले आहे, "आज इडलीचा दिवस साजरा होत आहे. इडली हा तांदूळ आणि उडीद डाळीच्या पिठापासून बनवलेला एक चविष्ट, वाफेवर शिजवलेला दक्षिण भारतीय पदार्थ आहे."
डूडलमध्ये काय दाखवलं आहे?
'Google' शब्दातील प्रत्येक अक्षर इडलीचे घटक दाखवते. 'G' तांदूळ, एक 'o' वाटीतील पदार्थ, दुसरा 'o' इडलीचे पीठ, पुढचा 'G' अनेक इडल्या, 'L' चटण्या आणि 'e' इडलीसारखा पदार्थ दर्शवतो.
हे आजच का दिसले?
३० मार्च रोजी अधिकृतपणे जागतिक इडली दिन साजरा केला जातो. ११ ऑक्टोबरचा संबंध कोणत्याही विशिष्ट सण किंवा वर्धापनदिनाशी नाही. गूगल अनेकदा डूडलद्वारे विविध ठिकाणच्या लोकांना एकत्र आणणाऱ्या खाद्य आणि सांस्कृतिक परंपरा साजरा करते.
इडली कशी बनवायची?
*४-६ तास भिजवलेले तांदूळ आणि उडीद डाळ वाटून पीठ बनवा.
*पीठ रात्रभर आंबवण्यासाठी ठेवा.
*सकाळी, इडली पात्रात घालून १० मिनिटे वाफवून घ्या.
*गरम इडली सांबार आणि चटणीसोबत सर्व्ह करा.
आरोग्यदायी इडली
इडली हा आरोग्यदायी ब्रेकफास्ट आहे. तो कधीही खाता येऊ शकतो. तो तेलकट नसल्याने त्याचा आरोग्यावरही विपरित परिणाम होत नाही. पोटही छान राहतं.
