ऍपल कंपनीसाठी आयफोन बनवणारी फॉक्सकॉन कंपनी भारतातील आपल्या कारखान्यांमध्ये नोकरी देताना विवाहित महिलांना नोकरी नाही अशी अट आता रद्द केली आहे, असे रॉयटर्स वृत्तसंस्थेने वृत्त दिले आहे.
ऍपल कंपनीसाठी आयफोन बनवणारी फॉक्सकॉन कंपनी भारतातील आपल्या कारखान्यांमध्ये नोकरी देताना विवाहित महिलांना नोकरी नाही अशी अट आता रद्द केली आहे, असे रॉयटर्स वृत्तसंस्थेने वृत्त दिले आहे.
‘फॉक्सकॉन कंपनी विवाहित महिलांना काम देत नाही’ हा नियम तमिळनाडूतील श्रीपेरंबुदूर कारखान्यात वादाचा विषय बनला होता. त्यानंतर, फॉक्सकॉनने आपल्या कारखान्यांमध्ये कामगार भरती करणाऱ्या एजंट्सना नोकरीच्या जाहिरातीतून ही अट काढून टाकण्यास सांगितले आहे.
‘त्यानुसार, फॉक्सकॉनसाठी कामगार पुरवणाऱ्या एजन्सींनी आता प्रसिद्ध केलेल्या जाहिरातींमध्ये लग्नाचा उल्लेखच केलेला नाही. तसेच, वय, लिंग देखील विचारले जात नाही. शिवाय, ते फॉक्सकॉन कंपनीसाठी भरती करत आहेत हे देखील सांगत नाहीत,’ असे रॉयटर्सने वृत्त दिले आहे.
‘याबाबत कोणतीही माहिती माध्यमांना देऊ नका असे फॉक्सकॉनने आम्हाला सांगितले आहे,’ असे भरती एजन्सींनी म्हटले आहे. जाहिरातीत, ‘एसी ऑफिसमध्ये काम, मोफत वाहतूक, कॅन्टीन सुविधा, मोफत वसतिगृह आणि मासिक १७७ डॉलर (१४,९७४ रुपये) पगार’ असेच म्हटले आहे.
फॉक्सकॉन कंपनी ऍपल कंपनीसाठी आयफोन बनवते. वेगवेगळ्या कंपन्यांकडून खरेदी केलेले सुटे भाग फॉक्सकॉन कंपनी जोडून आयफोन बनवते. भारतात तमिळनाडूतील श्रीपेरंबुदूर आणि बेंगळुरूजवळील देवनहळ्ळी येथे फॉक्सकॉनचे कारखाने आहेत.
