Flipkart Big Billion Days 2026 : फ्लिपकार्टचा बिग बिलियन डेज सेल येतोय, 'या' बँक कार्ड्सवर मिळणार बंपर डिस्काउंट!

यंदाच्या सणासुदीच्या काळात जोरदार शॉपिंग करण्यासाठी फ्लिपकार्टने त्यांच्या बहुचर्चित 'बिग बिलियन डेज २०२६' सेलची तारीख आणि ऑफर्स अधिकृतपणे जाहीर केल्या आहेत. याचीच सविस्तर माहिती आपण इथे पाहणार आहोत.

Image Credit : Chatgpt

फ्लिपकार्ट धमाका सेल: ९ ऑक्टोबरपासून बिग बिलियन डेज

ई-कॉमर्स क्षेत्रातील दिग्गज कंपनी फ्लिपकार्टने त्यांच्या सर्वात मोठ्या 'बिग बिलियन डेज २०२६' सेलच्या तारखा अधिकृतपणे जाहीर केल्या आहेत. यंदा ९ ऑक्टोबरपासून हा सेल सुरू होणार आहे. फ्लिपकार्टच्या प्लॅटफॉर्मवर यासाठी एक खास मायक्रोसाइट आधीच लाईव्ह झाली आहे. या साईटवरून कंपनीने बँक ऑफर्स, स्पेशल डील्स आणि कॅम्पेनची माहिती ग्राहकांसाठी उपलब्ध करून दिली आहे.

Image Credit : Flipkart

८ ऑक्टोबरपासूनच अर्ली ॲक्सेस

सामान्य ग्राहकांच्या आधी शॉपिंग करण्याची संधी फ्लिपकार्ट काही खास युजर्सना देत आहे. फ्लिपकार्ट प्लस, फ्लिपकार्ट ब्लॅक आणि फ्लिपकार्ट क्रेडिट कार्ड मेंबर्सना एक दिवस आधी, म्हणजेच ८ ऑक्टोबरपासूनच अर्ली ॲक्सेस मिळणार आहे. यामुळे हे मेंबर्स इतरांच्या आधीच बेस्ट ऑफर्सचा फायदा घेऊ शकतील.

Image Credit : Gemini

बँक कार्ड्स आणि सुपर मनी डिस्काउंट

या सेलमध्ये ग्राहकांचे पैसे वाचवण्यासाठी फ्लिपकार्टने अनेक बँक ऑफर्स जाहीर केल्या आहेत. ॲक्सिस बँक आणि आयसीआयसीआय बँकेचे कार्ड वापरून खरेदी करणाऱ्यांना थेट १० टक्के इन्स्टंट डिस्काउंट मिळणार आहे. याशिवाय, फ्लिपकार्ट ॲक्सिस बँक क्रेडिट कार्डने पेमेंट केल्यास तुम्ही १० टक्के पैसे वाचवू शकता. तसेच, फ्लिपकार्टच्या 'सुपर मनी' ॲपवरून पहिल्या ट्रान्झॅक्शनवर १० टक्के कॅशबॅक मिळेल. यूपीआय आणि इतर पेमेंट गेटवेचा पर्यायही उपलब्ध आहे.

Image Credit : gemini

स्पेशल इव्हेंट्स आणि प्रॉडक्ट डील्स

शॉपिंगची मजा वाढवण्यासाठी फ्लिपकार्ट अनेक स्पेशल सेल इव्हेंट्स राबवणार आहे. यामध्ये प्राईस क्रॅश, बीबीडी स्पेशल्स, टिक टॉक डील्स, ब्रँड अवर्स, डबल डिस्काउंट आणि रश अवर्ससारख्या ऑफर्सचा समावेश आहे. या सेलमध्ये स्मार्टफोन्स, पीसी, लॅपटॉप्स, टीडब्ल्यूएस, स्मार्टवॉचेस, वॉशिंग मशीन्स, रेफ्रिजरेटर्स आणि स्मार्ट होम अप्लायन्सेससारख्या अनेक इलेक्ट्रॉनिक्स वस्तूंवर मोठी सूट उपलब्ध असेल.

Image Credit : AI

'लक बदल सकता है' नवीन कॅम्पेन

यंदाच्या बिग बिलियन डेजसाठी फ्लिपकार्टने 'लक बदल सकता है, यहा कुछ भी हो सकता है' ही नवीन कॅम्पेन सुरू केली आहे. बंगळुरूवर आधारित या जाहिरातीत मागच्या वर्षीचीच संकल्पना पुढे नेण्यात आली आहे. लिओ बर्नेटने तयार केलेल्या या ५ मिनिटांच्या जाहिरातीत रोहित शर्मा, श्रीलीला, अनीत पड्डा, जॅकी श्रॉफ, समय रैना आणि आदित्य श्रीवास्तव यांसारखे प्रसिद्ध सेलिब्रिटी आणि सोशल मीडिया इन्फ्लुएंसर्स झळकले आहेत. एका सामान्य तरुणाच्या आयुष्यातील दुर्दैवी घटना फ्लिपकार्ट शॉपिंगमुळे कशा नशिबात बदलतात, हे या जाहिरातीत मजेशीर पद्धतीने दाखवले आहे.

Image Credit : Getty

मोठ्या डिस्काउंटसह तगडी स्पर्धा

आगामी बिग बिलियन डेज सेलच्या माध्यमातून मार्केटमध्ये ॲमेझॉनच्या फेस्टिव्हल सेलला तगडी टक्कर देण्यासाठी फ्लिपकार्ट सज्ज होत आहे. सेलची तारीख जसजशी जवळ येईल, तसतशी कंपनी विशिष्ट ब्रँड्स, स्मार्टफोन्स आणि इतर इलेक्ट्रॉनिक्स उत्पादनांवरील मूळ डिस्काउंट दरांची सविस्तर माहिती उघड करणार आहे.