एपस्टाईन फाइल्स: 1.8 लाख फोटो, 2000+ व्हिडिओ-बिल गेट्सची रहस्ये
एपस्टाईन फाइल्सचा धक्का: 30 लाख पानांच्या नवीन एपस्टाईन फाइल्सनी खळबळ उडवून दिली आहे. रशियन मुलींसोबतच्या संबंधानंतर बिल गेट्स यांना STD झाला आणि त्यांनी औषधं मागितली होती, असा दावा ईमेलमध्ये करण्यात आला आहे
जेफ्री एपस्टाईन सेक्स स्कँडल पुन्हा एकदा चर्चेत
Bill Gates Epstein Link: अमेरिकेत जेफ्री एपस्टाईन सेक्स स्कँडल पुन्हा एकदा चर्चेत आले आहे. यावेळी अमेरिकेच्या न्याय विभागाने प्रसिद्ध केलेल्या नवीन फाइल्समुळे हे प्रकरण गाजत आहे. या फाइल्समध्ये जगातील सर्वात मोठ्या टेक दिग्गजांपैकी एक असलेल्या बिल गेट्स यांचे नाव संशयास्पद ईमेलमध्ये समोर आल्याचा दावा केला जात आहे. या फाइल्समध्ये एकूण 30 लाखांपेक्षा जास्त पाने, सुमारे 1.80 लाख फोटो आणि 2000 हून अधिक व्हिडिओ असल्याचं म्हटलं जात आहे. हे दस्तऐवज एखाद्या मोठ्या सत्याकडे इशारा करत आहेत की हे केवळ आरोपांचे गाठोडे आहे, हा प्रश्न उपस्थित होत आहे.
एपस्टाईनच्या ईमेलमध्ये असे काय आहे ज्यामुळे खळबळ उडाली आहे?
एपस्टाईनच्या ईमेलमध्ये असे काय आहे ज्यामुळे खळबळ उडाली आहे?
रिपोर्ट्सनुसार, जेफ्री एपस्टाईनने 2013 मध्ये स्वतःला एक लांबलचक ईमेल पाठवला होता. या ईमेलमध्ये त्याने दावा केला की, रशियन मुलींसोबतच्या संबंधानंतर बिल गेट्स यांना STD (लैंगिक आजार) झाला होता. इतकंच नाही, तर गेट्स यांनी एपस्टाईनकडे अँटिबायोटिक्स मागितल्या होत्या, जेणेकरून ती औषधे गुपचूप पत्नी मेलिंडा गेट्स यांना देता येतील, असंही ईमेलमध्ये लिहिलं आहे. मात्र, या दाव्यांना कोणताही अधिकृत दुजोरा मिळालेला नाही.
अखेर त्या ईमेल्समध्ये काय लिहिलं आहे?
Jeffrey Epstein Emails: अखेर त्या ईमेल्समध्ये काय लिहिलं आहे?
- डेली मेलच्या रिपोर्टनुसार, प्रसिद्ध झालेल्या कागदपत्रांमध्ये काही असे ईमेल आहेत, जे जेफ्री एपस्टाईनने स्वतःलाच पाठवले होते.
- या ईमेल्समध्ये एपस्टाईनने दावा केला आहे की बिल गेट्स यांचे रशियन मुलींसोबत संबंध होते.
- त्यानंतर त्यांना STD (लैंगिक संक्रमित रोग) झाल्याचे म्हटले आहे.
- एपस्टाईनने हेही लिहिले की गेट्स यांनी त्याच्याकडे अँटिबायोटिक्सची मागणी केली होती.
- मात्र, हे समजून घेणे अत्यंत महत्त्वाचे आहे की या आरोपांना आजपर्यंत कोणत्याही अधिकृत एजन्सीने किंवा स्वतः बिल गेट्स यांनी दुजोरा दिलेला नाही.
एपस्टाईन स्वतःला ईमेल का पाठवत होता?
Epstein Self Email Mystery: एपस्टाईन स्वतःला ईमेल का पाठवत होता?
न्याय विभागाच्या मते, 18 जुलै 2013 रोजी सकाळी 11:49 वाजता एपस्टाईनने स्वतःला एक लांबलचक ईमेल लिहिला. या ईमेलमध्ये त्याने लिहिले की, बिल गेट्स यांनी त्याला जुने ईमेल डिलीट करण्यास सांगितले. सहा वर्षांची मैत्री अचानक संपवली. मेलिंडा गेट्स यांच्याशी संबंधित कौटुंबिक तणावाचाही उल्लेख आहे. त्याच दिवशी रात्री 1:03 वाजता आणखी एक ईमेल लिहिला गेला, जो गेट्स यांचे तत्कालीन सल्लागार बोरिस निकोलिक यांच्या नावाने ड्राफ्ट केल्याचे म्हटले जाते.
गेट्स काय म्हणाले होते?
Bill Gates Epstein Connection: गेट्स काय म्हणाले होते?
बिल गेट्स यांनी यापूर्वीच सार्वजनिकरित्या कबूल केले आहे की त्यांना एपस्टाईनला भेटल्याचा पश्चात्ताप आहे. पण त्यांनी कोणत्याही बेकायदेशीर किंवा चुकीच्या कृत्यात सहभाग असल्याचे स्पष्टपणे नाकारले आहे. 2019 मध्ये गेट्स म्हणाले होते की, "एपस्टाईनसोबत माझे कोणतेही व्यावसायिक किंवा वैयक्तिक संबंध नव्हते." तथापि, न्यूयॉर्क टाइम्स आणि वॉल स्ट्रीट जर्नलच्या वृत्तानुसार, गेट्स आणि एपस्टाईन यांच्यात 2011 ते 2013 दरम्यान अनेक भेटी झाल्या होत्या, असा दावा करण्यात आला आहे.
घटस्फोटाला एपस्टाईन कारणीभूत ठरला का?
Melinda Gates Divorce: घटस्फोटाला एपस्टाईन कारणीभूत ठरला का?
बिल आणि मेलिंडा गेट्स यांचे लग्न 1994 मध्ये झाले होते आणि 2021 मध्ये त्यांचा घटस्फोट झाला. नंतर, मेलिंडा गेट्स यांनी स्वतः सांगितले की, गेट्स यांचे अफेअर्स आणि एपस्टाईनसोबतचे संबंध त्यांच्या नात्यात मोठ्या दुराव्याचे कारण बनले. हे विधान या संपूर्ण प्रकरणाला अधिक रहस्यमय बनवते.
अखेर कोण होता जेफ्री एपस्टाईन?
अखेर कोण होता जेफ्री एपस्टाईन?
- जेफ्री एपस्टाईन एक करोडपती फायनान्सर होता, ज्याची पोहोच राजकारणी, व्यावसायिक आणि सेलिब्रिटींपर्यंत होती.
- 2005 मध्ये त्याच्यावर पहिल्यांदा अल्पवयीन मुलीच्या लैंगिक शोषणाचा आरोप लागला.
- 2008 मध्ये त्याला सौम्य शिक्षा झाली, पण 2019 मध्ये सेक्स ट्रॅफिकिंग प्रकरणात अटक झाल्यानंतर तो तुरुंगात मृतावस्थेत आढळला.
- त्याची सहकारी घिसलीन मॅक्सवेल हिला 20 वर्षांची शिक्षा झाली आहे.
सत्य, कट की अर्धसत्य?
सत्य, कट की अर्धसत्य?
एपस्टाईन फाइल्सने पुन्हा एकदा जगातील शक्तिशाली लोकांवर प्रश्नचिन्ह निर्माण केले आहे. बिल गेट्स यांच्याशी संबंधित आरोप अत्यंत गंभीर आहेत, पण सध्या ते केवळ दावे आहेत, पुरावे नाहीत. मग येत्या काळात या फाइल्समधून काही ठोस सत्य समोर येईल की हे प्रकरणही एक रहस्य बनून राहील?
