Donald Trump : अमेरिकेचे माजी राष्ट्राध्यक्ष डोनाल्ड ट्रम्प अनेकदा महिलांसोबतच्या वागणुकीमुळे वादात सापडले आहेत. पण, जगातील एका जबाबदार पदावर पोहोचून आणि वयस्कर होऊनही त्यांच्या स्वभावात बदल झालेला नाही. नुकतीच ओव्हल ऑफिसमध्ये एक घटना घडली.
अमेरिकेचे माजी राष्ट्राध्यक्ष डोनाल्ड ट्रम्प अनेकदा महिलांसोबतच्या वागणुकीमुळे वादात सापडले आहेत. पण, जगातील एका जबाबदार पदावर पोहोचून आणि वयस्कर होऊनही त्यांच्या स्वभावात बदल झालेला नाही. नुकतीच ओव्हल ऑफिसमध्ये एक घटना घडली. पत्रकार परिषदेदरम्यान ट्रम्प यांनी त्यांच्या गृह सचिवांच्या पत्नीसोबत फ्लर्ट केले. ट्रम्प म्हणाले, "तुमच्या सौंदर्यावर भाळूनच मी तुमच्या पतीला कामावर ठेवले." ट्रम्प यांचा हा व्हिडिओ आता जगभरात व्हायरल झाला आहे.
ट्रम्प व्हाईट हाऊसमध्ये आपल्या अधिकाऱ्यांसोबत ड्रग्स आणि व्हेनेझुएलासारख्या मुद्द्यांवर चर्चा करत होते. स्टीव्ह विटकॉफ, गृह सचिव डग बर्गम आणि त्यांची पत्नी कॅथरीन बर्गम हे देखील ओव्हल ऑफिसमध्ये उपस्थित होते. तेव्हा ट्रम्प यांनी कॅथरीन यांना पत्रकारांशी बोलण्यासाठी बोलावले. कॅथरीन सुमारे पाच मिनिटे बोलल्या, त्यादरम्यान डोनाल्ड ट्रम्प यांनी त्यांना जवळ धरून ठेवले होते. कॅथरीन यांचे भाषण संपल्यावर ट्रम्प बोलायला उठले.
तेव्हा ट्रम्प म्हणाले, "एकदा मी कॅथरीनचा घोडेस्वारी करतानाचा व्हिडिओ पाहिला. मी विचारले की ती कोण आहे? त्यानंतर मला तिच्याबद्दल माहिती मिळाली." कॅथरीनकडे पाहून ट्रम्प म्हणाले, "तुम्ही खूप सुंदर आहात." मग ट्रम्प हसत म्हणाले, "तुम्ही सुंदर आहात... तुमच्या सौंदर्यामुळेच मी डग बर्गम यांना व्हाईट हाऊसमध्ये कामावर ठेवले. अशा लोकांना कामावर ठेवणे हा एक सन्मान आहे."
Related Articles
कोण आहेत हे डग बर्गम?
६९ वर्षीय डग बर्गम हे अमेरिकेचे गृह सचिव आहेत. अमेरिकेच्या अंतर्गत सुरक्षेची जबाबदारी त्यांच्यावर आहे. हे पद स्वीकारण्यापूर्वी बर्गम यांनी नॉर्थ डकोटाचे गव्हर्नर म्हणून काम केले होते. त्यांनी स्टॅनफोर्ड विद्यापीठातून शिक्षण घेतले आहे. बर्गम अमेरिकेत एक उद्योगपती म्हणूनही ओळखले जातात. बर्गम आणि ट्रम्प १९८० पासून मित्र आहेत. बर्गम यांना राजकारणात येण्यासाठी ट्रम्प यांनीच प्रोत्साहन दिले होते.
यापूर्वी, डोनाल्ड ट्रम्प यांनी त्यांची प्रेस सेक्रेटरी कॅरोलिना लेविट यांच्यासोबतही फ्लर्ट केले होते. एअर फोर्स वन विमानातून वॉशिंग्टनला परतत असताना ट्रम्प म्हणाले, "मी तुमच्याशी बोलत असताना विमान हादरत आहे. मला काहीतरी पकडावे लागेल. पण मी कॅरोलिनाला पकडणार नाही." त्यावेळी कॅरोलिना ट्रम्प यांच्या मागे उभ्या होत्या. हा व्हिडिओ देखील सोशल मीडियावर व्हायरल झाला होता.
