तुमचं घर सुंदर दिसावं असं वाटतंय? मग महागड्या वस्तू कशाला? फक्त ५० रुपयांच्या कार्डबोर्डपासून तुम्ही घरासाठी आकर्षक वस्तू बनवू शकता. वॉल हँगिंग, लिप्पन आर्ट आणि फोटो फ्रेम बनवण्याच्या सोप्या आयडियाज जाणून घ्या.
Cardboard DIY Crafts: आपलं घर इतरांपेक्षा सुंदर दिसावं, असं आजकाल प्रत्येकाला वाटतं. त्यामुळेच, घराच्या इंटेरिअरपासून एक्सटेरिअरपर्यंत लोक भरपूर पैसे खर्च करतात. पण अनेकदा मुलांची फी आणि इतर खर्चामुळे प्रत्येक वेळी बजेट आपल्याला महागड्या वस्तू घ्यायची परवानगी देतंच असं नाही. अशावेळी, काळजी करण्याची अजिबात गरज नाही. आज आम्ही तुमच्यासाठी फक्त ५० रुपयांच्या कार्डबोर्डपासून बनवता येणाऱ्या काही खास वस्तूंची माहिती घेऊन आलो आहोत. थोडी मेहनत घेतली, तर तुम्हीही या वस्तू सहज बनवू शकता. चला तर मग, तुमच्या घराचं सौंदर्य वाढवणाऱ्या काही आयडियाज पाहूया.
कार्डबोर्डपासून हँगिंग वॉल डेकोर
रंग दिल्यानंतरही अनेकदा घरातल्या भिंती रिकाम्या आणि सुन्न वाटतात. अशावेळी महागड्या शोपीसवर पैसे वाया घालवण्याऐवजी तुम्ही कार्डबोर्डपासून सुंदर क्राफ्ट बनवू शकता. सगळ्यात आधी कार्डबोर्डला तुमच्या आवडत्या डिझाइनमध्ये कापून घ्या आणि त्याला रंग द्या. आता एखादी लेस किंवा दोरीच्या मदतीने त्याला लटकवा आणि पॉम पॉम बॉल्स किंवा घुंगरू लावून सजवा. तुमच्या लिव्हिंग रूमपासून बेडरूमपर्यंत, हे डेकोर एकदम बेस्ट दिसेल.
Related Articles
लिप्पन आर्ट वॉल
कार्डबोर्डवर थोडी क्रिएटिव्हिटी दाखवून तुम्ही गुजरातची प्रसिद्ध लिप्पन आर्ट वॉल बनवू शकता. यासाठी कार्डबोर्डला तीन गोलाकार डिझाइनमध्ये कापून घ्या आणि त्यावर तुमचं आवडतं चित्र काढा. सजावटीसाठी त्याच्या कडेला लहान-लहान आरशांचा वापर करा. शेवटी, सुतळीने हे सर्व जोडून भिंतीवर टांगा.
वॉल माउंटेड शोपीस DIY
जर तुम्हाला घराच्या एंट्रेसला काहीतरी वेगळा लूक द्यायचा असेल, तर तुम्ही एक मॉडर्न डेकोरेटिव्ह साइनबोर्ड बनवू शकता. यासाठी कार्डबोर्ड अर्ध्या गोलाकारात कापून त्यावर लाकडाचे छोटे तुकडे चिकटवा. आता आर्टपेपरवर 'Welcome' लिहून ते कार्डबोर्डवर लावा. अधिक स्टायलिश दिसण्यासाठी आईस्क्रीमच्या काड्यांच्या मदतीने छोट्या-छोट्या फ्रेम लावा.
फ्लोरल फोटो फ्रेम
एखाद्याला DIY गिफ्ट देण्यासाठी कार्डबोर्ड फोटो फ्रेम हा एक स्वस्त आणि मस्त पर्याय आहे. सगळ्यात आधी कार्डबोर्डचा बेस बनवून मधल्या भागात कागद लावा. सजावटीसाठी रंगीबेरंगी फुलपाखरं किंवा आर्टिफिशिअल फुलांचा वापर करा. गिफ्ट देण्यासाठी किंवा तुमच्या डेस्कवर ठेवण्यासाठी हा एक परफेक्ट पर्याय आहे.
