डायबिटीज नियंत्रणात ठेवायचाय? भात लवकर शिजवायचाय?, भेंडींची भाजी खा
मधुमेह आणि जास्त वजन असलेले लोक भात खायला घाबरतात. कारण भातामध्ये कार्बोहायड्रेट्स जास्त असतात. पण आता तुम्हाला काळजी करण्याची गरज नाही. तुम्ही भात खाऊनही तुमच्या शरीरातील साखरेची पातळी नियंत्रणात ठेवू शकता.
थोडी भेंडी घाला -
भात खाल्ल्याने शरीरात कार्बोहायड्रेट्स वाढतात हे खरं आहे. पण काही टिप्स वापरून तुम्ही हे रोखू शकता. इतकंच नाही, तर शरीरातील साखर आणि वजन नियंत्रणात ठेवू शकता. यासाठी भात शिजवताना तांदळात थोडी भेंडी घाला.
साखरेची पातळी वाढणार नाही -
तांदळात थोडी भेंडी घातल्यास भात लवकर शिजतोच, शिवाय ते औषधाचं काम करतं. डॉ. संतोष जेकब यांच्या मते, भेंडी घालून शिजवलेला भात खाल्ल्याने शरीरातील साखरेची पातळी वाढत नाही.
भातामध्ये शोषले जाते -
भात शिजवताना भेंडी घातल्यास, भेंडीमधील नैसर्गिक जेल प्रत्येक दाण्यापर्यंत पोहोचते. शिवाय, भेंडीमधील सर्व पोषक तत्वं, जीवनसत्त्वं आणि फायबर भातामध्ये शोषले जातात. असा भात पचायला सोपा असतो.
पचनक्रिया जलद होते -
भेंडीमधील फायबर तांदळासोबत मिसळल्यामुळे पचनक्रिया जलद होते. रक्तातील साखरेची पातळी स्थिर राहते. हा भात प्रीबायोटिक म्हणून काम करतो आणि आतड्यांचे आरोग्य सुधारतो.
भेंडीमधील पोषक तत्वं -
भेंडीमध्ये कॅलरीज खूप कमी असतात. भेंडीमधील मॅग्नेशियम, फोलेट, फायबर, अँटीऑक्सिडंट्स, व्हिटॅमिन सी आणि के1 आपल्या आरोग्यासाठी खूप चांगले आहेत. हे हृदयाचे आरोग्य सुधारते आणि रक्तातील साखर कमी करते.
वजन नियंत्रण -
भेंडी तांदळासोबत शिजवल्यामुळे तिची पोषक तत्वं भातामध्ये मिसळतात. हा भात खाल्ल्याने पचन चांगले होते. यामुळे बराच वेळ पोट भरल्यासारखे वाटते. वजन नियंत्रणात ठेवण्यासाठी हे खूप फायदेशीर आहे.
