Makeup Tips for Slim Face : गोल चेहऱ्याला स्लिम आणि शार्प लुक देण्यासाठी कंटूरिंग कसं करावं? तुमच्या स्किन टोननुसार योग्य शेड आणि प्रोडक्ट कसं निवडावं? आणि कंटूरिंगनंतर हायलाइटर का लावायचा? जाणून घ्या सोप्या टिप्स.
Makeup Tips for Slim Face : तुमची डबल चिन आहे का? किंवा चेहरा खूपच रुंद आणि गाल फुगीर वाटतात? काळजी करू नका, मेकअपच्या मदतीने तुम्ही हे सगळं बॅलन्स करू शकता. मेकअपमधलं कंटूरिंग हे एक असं भारी टेक्निक आहे, जे तुमच्या चेहऱ्याला स्लिम आणि शार्प लुक देतं. जर कंटूरिंग योग्य पद्धतीने केलं, तर रुंद चेहरासुद्धा एकदम परफेक्ट दिसू लागतो. चला तर मग, जाणून घेऊया अशाच काही सोप्या स्टेप्स, ज्यामुळे तुमचा चेहरा स्लिम दिसेल.
स्किन टोननुसार कंटूर प्रोडक्ट निवडा
मेकअप करण्याआधी, तुमचा स्किन टोन नक्की कोणता आहे हे जाणून घ्या. मग तुमच्या स्किन टोनपेक्षा दोन ते तीन शेड डार्क कंटूर स्टिक, क्रीम किंवा पावडर निवडा. खूप जास्त डार्क शेड वापरू नका, नाहीतर मेकअप खूपच बनावट दिसेल. जर तुम्ही पहिल्यांदाच कंटूरिंग करत असाल, तर क्रीम कंटूर वापरा. ते वापरायला खूप सोपं जातं.
कंटूर योग्य ठिकाणी लावा
चेहऱ्याला बॅलन्स आणि स्लिम लुक देण्यासाठी, तुम्हाला गालांच्या खाली, जॉ-लाइनवर (हनुवटीच्या रेषेवर), कपाळाच्या कडेला आणि नाकाच्या दोन्ही बाजूंना कंटूर लावावं लागेल. गालांच्या मध्यापासून कानाच्या दिशेने एक हलकी रेष ओढा. आता ब्रशच्या मदतीने ते हलक्या हाताने मिक्स करा. असं केल्याने चेहरा जास्त बारीक दिसतो.
Related Articles
हार्ड लाइन्स काढून टाका
कंटूरिंग करताना मेकअप स्पंज किंवा ब्रशने या लाइन्स व्यवस्थित ब्लेंड करणं गरजेचं आहे. एक गोष्ट लक्षात ठेवा की, कंटूरिंगनंतर चेहऱ्यावर कोणत्याही हार्ड लाइन्स (जाड रेषा) दिसता कामा नयेत, नाहीतर चेहरा खूप विचित्र दिसतो. नीट ब्लेंडिंग केल्यामुळेच मेकअप नॅचरल दिसतो आणि चेहऱ्याचं सौंदर्य खुलून दिसतं.
हायलाइटरचा वापर करा
कंटूरिंग पूर्ण झाल्यावर चेहऱ्याचे हाय पॉइंट्स, जसं की नाकाचा शेंडा, कपाळाचा मध्यभाग आणि चीकबोन्सवर (गालाची हाडं) हायलाइटर लावायला विसरू नका. हलकासा हायलाइटर लावल्याने चेहरा फ्रेश आणि ग्लोइंग दिसतो.
