- Home
- Utility News
- LPG Cylinder Price : आजपासून LPG सिलेंडरच्या दरात मोठा बदल; सणासुदीत महागाईचा फटका
LPG Cylinder Price : आजपासून LPG सिलेंडरच्या दरात मोठा बदल; सणासुदीत महागाईचा फटका
तेल कंपन्यांनी १ नोव्हेंबरपासून १९ किलोच्या व्यावसायिक एलपीजी सिलेंडरचे दर १० ते ११.५० ने वाढवले आहेत. पण दिलासादायक बाब म्हणजे, १४.२ किलोच्या घरगुती गॅस सिलेंडरच्या दरात कोणताही बदल केलेला नाही.
१ नोव्हेंबरपासून व्यावसायिक LPG सिलेंडर महाग
दूध, दही आणि तांदळानंतर आता एलपीजी गॅसचा नंबर लागला आहे. महिन्याच्या पहिल्याच दिवशी तेल कंपन्या गॅसचे नवे दर जाहीर करतात. आधीच महागाईने होरपळलेल्या सामान्य जनतेच्या खिशाला आता आणखी एक कात्री लागली आहे.
आजपासून नवे दर लागू
तेल कंपन्यांनी १ नोव्हेंबरपासून १९ किलोच्या व्यावसायिक एलपीजी सिलेंडरच्या दरात १० ते ११.५० ची वाढ केली आहे. पण सणासुदीच्या या काळात १४.२ किलोच्या घरगुती गॅस सिलेंडरचे दर स्थिर ठेवल्याने सर्वसामान्यांना थोडा दिलासा मिळाला आहे.
दिल्ली आणि चेन्नईमधील नवे दर
राजधानी दिल्लीत १९ किलोच्या व्यावसायिक सिलेंडरचा दर २,८१० वरून २,८२० वर पोहोचला आहे. गेल्या १ ऑक्टोबरलाही दिल्लीत हा दर ६२.५० ने वाढला होता. दुसरीकडे, चेन्नईमध्ये सर्वाधिक ११.५० ची वाढ झाली असून व्यावसायिक सिलेंडरचा दर २,९८३ वरून २,९९४.५० झाला आहे. चेन्नईत घरगुती सिलेंडरचा दर ९५७.५० वर स्थिर आहे.
मुंबई आणि अहमदाबादमधील स्थिती
मुंबईत १९ किलोच्या व्यावसायिक सिलेंडरचा दर २,७६४ वर पोहोचला आहे, तर घरगुती सिलेंडरचा दर ९४१.५० वर स्थिर आहे. अहमदाबादमध्ये व्यावसायिक सिलेंडरच्या दरात १०.५० ची वाढ झाली असून तो २,८३१.५० वरून २,८४२ वर गेला आहे. तिथेही घरगुती सिलेंडरचा दर ९४९ वर कायम आहे.
बंगळुरूमध्ये एलपीजी सिलेंडरचे दर
- १४.२ किलो - ९४४.५०
- १९ किलो व्यावसायिक सिलेंडर - २,८९८
- ५ किलो सिलेंडर - ३५०
- ४७.५ किलो सिलेंडर - ७,२४०