पुरुषांना आकर्षित करण्याचा ऑनलाइन कोर्स, 30 कोटी कमावणारी तरुणी आली अडचणीत
चीनच्या झो युआन नावाच्या महिलेने 'पुरुषांना आकर्षित कसे करावे' या ऑनलाइन कोर्समधून सुमारे 30 कोटी रुपये कमावले आहेत. या कोर्सला तिथल्या परंपरावाद्यांनी मोठा विरोध केला होता. आता ती तपास यंत्रणांच्या चौकशीला सामोरी जात आहे.
पुरुषांना आकर्षित कसे करावे?
पुरुषांना आकर्षित कसे करावे, याचा ऑनलाइन कोर्स सुरू करून एका तरुणीने 30 कोटी कमावले. आता ही तरुणी तपास यंत्रणांच्या चौकशीमुळे अडचणीत आली आहे.
झो युआनला आता चौकशीची भीती
चीनची 40 वर्षीय झो युआन, जी पूर्वी बँकर होती, तिला आता चौकशीची भीती वाटत आहे. पुरुषांना आकर्षित करण्याच्या कोर्समधून तिने लाखो कमावले होते. पण आता तिचे उपक्रम थांबवण्याचे आदेश देण्यात आले आहेत.
स्वयंघोषित लैंगिक बुद्धिमत्ता प्रशिक्षक झो
तिला 'स्वयंघोषित लैंगिक बुद्धिमत्ता प्रशिक्षक' म्हटले जाते. 30 जानेवारी रोजी तिच्या चौकशीसाठी एक पथक स्थापन करण्यात आले. तिच्या व्हायरल कोर्समुळे महिलांना वस्तू म्हणून पाहण्याबद्दल मोठी चर्चा सुरू झाली आहे.
कोर्स विकून झोने 31 कोटी कमावले
झो युआनने 'लैंगिक बुद्धिमत्ता' नावाचा कोर्स सुरू केला. 'पुरुषांना वश कसे करावे' या कोर्सची किंमत 88,000 युआन होती. तिच्या कार्यक्रमांनी हजारो महिलांना आकर्षित करून सुमारे 31 कोटींची कमाई केली.
कोर्स लवकरच वादात सापडला
हा कोर्स लवकरच वादात सापडला. झो महिलांना पुरुषांच्या आनंदाचे साधन बनवत असल्याचा आरोप झाला. पण तिने महिला सक्षमीकरणासाठी कोर्स तयार केल्याचे सांगत आपल्या कामाचे समर्थन केले.
ऑफलाइन पद्धतीनेही कोर्स घ्यायची
ती ऑनलाइन आणि ऑफलाइन दोन्ही पद्धतीने कोर्स घेत होती. 22 जानेवारीला तिची सोशल मीडिया खाती बंद करण्यात आली. ती आरोग्य, सौंदर्य आणि वैद्यकीय उपकरणांशी संबंधित 8 कंपन्यांशी जोडलेली होती.
