Car Market: फक्त 8 लाखांपासून, या आहेत बजेटमधील बेस्ट इलेक्ट्रिक कार्स!
Car Market: पेट्रोल-डिझेलच्या वाढत्या किमतींमुळे लोक आता इलेक्ट्रिक कारकडे वळत आहेत. सामान्य आणि मध्यमवर्गीय कुटुंबंही बजेटमध्ये बसणाऱ्या EV गाड्यांच्या शोधात आहेत. आम्ही 10 लाखांपेक्षा कमी किमतीत उपलब्ध असलेल्या बेस्ट EV कार्सची माहिती देत आहोत.
बजेट ईव्हीची वाढती मागणी
इराण-इस्त्रायल युद्ध आणि अमेरिकेच्या निर्बंधांमुळे पेट्रोल-डिझेलचे दर वाढले आहेत. यामुळे लोकांचं महिन्याचं बजेट कोलमडलं आहे. शहरांमध्ये रोज 40-50 किमी प्रवास करणाऱ्यांना इंधनाचा खर्च परवडेनासा झाला आहे. त्यामुळे अनेकजण आता खर्च वाचवण्यासाठी इलेक्ट्रिक कारकडे वळत आहेत. टाटा पंच, टियागो आणि एमजी कॉमेटसारख्या गाड्या 10 लाखांच्या बजेटमध्ये उपलब्ध आहेत. तर 15 लाखांपर्यंत एमजी विंडसर आणि टाटा नेक्सॉनसारखे पर्यायही आहेत.
टाटा पंच ईव्ही (TATA Punch EV)
टाटा पंच ईव्हीची एक्स-शोरूम किंमत सुमारे 9.69 लाख रुपयांपासून सुरू होते. सध्या हे मॉडेल भारतात खूप लोकप्रिय आहे. या गाडीच्या टॉप व्हेरिएंटची रेंज एका चार्जमध्ये 400 किलोमीटरपेक्षा जास्त आहे. एसयूव्हीसारखं उंच ग्राऊंड क्लिअरन्स आणि आरामदायी सीटिंग हे या गाडीचं वैशिष्ट्य आहे.
टाटा टियागो ईव्ही (Tata Tiago EV)
टाटा टियागो ईव्हीची एक्स-शोरूम किंमत 7.99 लाख रुपयांपासून सुरू होते. ही सध्या भारतातील सर्वात स्वस्त इलेक्ट्रिक कारपैकी एक आहे. टाटा मोटर्सच्या दाव्यानुसार, बॅटरी पॅकनुसार ही कार 315 किलोमीटरपर्यंतची रेंज देते.
एमजी कॉमेट ईव्ही (MG Comet EV)
एमजी कॉमेट ईव्हीची एक्स-शोरूम किंमत 7.63 लाख रुपयांपासून सुरू होते. ही गाडी खास शहरांतील प्रवासासाठी डिझाइन केली आहे. एमजी कंपनीच्या मते, ही कार 230 किलोमीटरपर्यंत रेंज देते. गर्दीच्या शहरांमध्ये तिचं कॉम्पॅक्ट डिझाइन खूप उपयुक्त ठरतं.
टाटा नेक्सॉन ईव्ही (Tata Nexon EV)
टाटा नेक्सॉन ईव्हीची एक्स-शोरूम किंमत सुमारे 12.49 लाख रुपयांपासून सुरू होते. कंपनीने ही गाडी हायवे आणि रोजच्या प्रवासासाठी सोयीस्कर बनवली आहे. या गाडीचा टॉप-स्पेक व्हेरिएंट 450 किलोमीटरपेक्षा जास्त रेंज देतो, असा कंपनीचा दावा आहे.
एमजी विंडसर ईव्ही (MG Windsor EV)
एमजी विंडसर ईव्हीची एक्स-शोरूम किंमत 14.09 लाख रुपयांपासून सुरू होते. या गाडीत स्पोर्टी स्टाइलिंगसोबत प्रशस्त केबिन स्पेस आहे, ज्यामुळे ही फॅमिली प्रवासासाठी एक उत्तम पर्याय ठरते. एमजीच्या मते, व्हेरिएंटनुसार ही कार 300 किलोमीटरपेक्षा जास्त रेंज देते.
