गाडीचा एसी एक तास चालवल्यास किती पेट्रोल खर्च होतं आणि घरातला एसी किती वीज वापरतो? गाडीचा एसी एका तासासाठी 0.2 ते 0.7 लिटर पेट्रोल वापरतो, तर घरातल्या एसीचा खर्च त्यापेक्षा खूप कमी असतो.
फेब्रुवारी महिना संपत आलाय आणि लवकरच मार्चमध्ये कडक उन्हाळा सुरू होईल. मग घरात आणि गाड्यांमध्ये एसी सुरू होतील. घरातले एसी विजेवर चालतात, तर गाडीचे एसी पेट्रोल किंवा डिझेलवर. त्यामुळे अनेकांच्या मनात एक प्रश्न येतो: गाडीचा एसी एक तास सतत चालवल्यास किती पेट्रोल खर्च होतं? आणि हा खर्च घरातल्या एसीच्या तुलनेत जास्त आहे की कमी?
गाडी किती पेट्रोल वापरते?
एखादी SUV किंवा दोन लिटरपेक्षा जास्त इंजिन असलेली मोठी गाडी असेल, तर तिचा एसी एका तासात सुमारे 0.5 ते 0.7 लिटर पेट्रोल वापरतो. तर, 1.2 ते 1.5 लिटर इंजिन असलेल्या हॅचबॅक आणि सेडान गाड्या एका तासात सुमारे 0.2 ते 0.4 लिटर पेट्रोल वापरतात. अर्थात, पेट्रोलचा नेमका वापर इतर अनेक गोष्टींवर अवलंबून असतो. साधारणपणे, गाडी एका जागी उभी असताना एसी सुरू असेल, तर पेट्रोल जास्त खर्च होतं. याउलट, गाडी चालत असताना एसी सुरू असेल, तर खर्च थोडा कमी होतो. कारण एसी गाडीच्या इंजिनमधूनच पॉवर घेतो, ज्यामुळे इंजिनवर जास्त भार येतो आणि पेट्रोलचा वापर वाढतो.
घरातला एसी किती वीज वापरतो?
साधारणपणे 1.5 टनाचा एसी एका तासात सरासरी 1.2 ते 1.7 युनिट वीज वापरतो. 5-स्टार रेटिंग असलेला इन्व्हर्टर एसी असेल, तर तो तासाला सुमारे 1.2-1.3 युनिट (कमी वीज) वापरतो. तर 3-स्टार एसी सुमारे 1.5-1.7 युनिट (जास्त वीज) वापरू शकतो.
Related Articles
मग कोणता एसी जास्त महाग?
जर पेट्रोलचा दर 100 रुपये प्रति लिटर असेल, तर गाडीचा एसी चालवण्याचा खर्च तासाला 50 ते 70 रुपयांपर्यंत येतो. दुसरीकडे, विजेचा दर 10 रुपये प्रति युनिट असेल, तर घरातल्या एसीचा खर्च तासाला जास्तीत जास्त 20 रुपये येतो. याचाच अर्थ, गाडीच्या एसीपेक्षा घरातला एसी चालवणं खूपच स्वस्त आहे.
