- Home
- Utility News
- Room Makeover: कंटाळवाण्या लिव्हिंग रूमला द्या नवा लुक, फक्त ३०० रुपयांत होईल मेकओव्हर!
Room Makeover: कंटाळवाण्या लिव्हिंग रूमला द्या नवा लुक, फक्त ३०० रुपयांत होईल मेकओव्हर!
Room Makeover आपल्याला अनेकदा वाटतं की घर सुंदर दिसावं यासाठी महागड्या वस्तूच हव्यात. पण तुमच्यात थोडी क्रिएटीव्हीटी असेल, तर तुम्ही अगदी कमी खर्चातही घराला इतकं सुंदर सजवू शकता की मोठमोठ्या हॉटेलच्या रूम्ससुद्धा फिक्या पडतील.
तुमची लिव्हिंग रूमसुद्धा कंटाळवाणी झाली आहे का? किंवा रोज तेच-तेच पाहून तिचा लुक एकसारखा वाटू लागलाय? तर मग टेन्शन घेऊ नका. जास्त पैसे खर्च न करता, फक्त ३०० रुपयांपर्यंतच्या छोट्या-छोट्या गोष्टी वापरून तुम्ही तुमच्या लिव्हिंग स्पेसला एक नवीन आणि ड्रॅमॅटिक लुक देऊ शकता. चला, असे १० सोपे आणि बजेट-फ्रेंडली आयडिया पाहूया, जे तुमच्या घराचं सौंदर्य वाढवतील.
Room Makeover फेअरी लाइट्स हा सजावटीसाठी नेहमीच एक स्वस्त आणि मस्त पर्याय ठरतो. या लाइट्स तुम्ही भिंतीवर, पडद्यांवर किंवा फोटो फ्रेमच्या आजूबाजूला लावून लगेचच एक कोझी आणि ड्रॅमॅटिक फील मिळवू शकता.
Room Makeover फक्त ३०० रुपयांमध्ये तुम्हाला शानदार प्रिंटेड किंवा टेक्स्चर असलेले कुशन कव्हर मिळतील. ब्राईट किंवा कॉन्ट्रास्ट रंग निवडा, जेणेकरून रूममध्ये एक वेगळीच एनर्जी येईल.
सेंटर टेबलवर एक चांगला रनर किंवा कापड टाकल्याने संपूर्ण सेटअप बदलून जातो. हा छोटासा बदल मोठा परिणाम करतो. सोबतच, सुगंध आणि प्रकाशाचं कॉम्बिनेशन रूमला एक रिलॅक्सिंग आणि क्लासी फील देतं. २००-३०० रुपयांत तुम्ही चांगल्या मेणबत्त्या घेऊ शकता.
तुमचे आवडते फोटो प्रिंट करून क्लिप्स किंवा धाग्याने भिंतीवर लावा. हा पर्सनल टच तुमच्या लिव्हिंग रूमला खास बनवेल. याशिवाय, तुम्ही ३०० रुपयांमध्ये अनेक कोलार्ज फोटो फ्रेम घेऊ शकता.
भिंत रिकामी वाटत असेल तर फ्लोरल, ॲब्स्ट्रॅक्ट किंवा 3D वॉल स्टिकर्सने तिला लगेच स्टायलिश बनवता येतं. त्यासोबतच तुम्ही खाली इनडोअर प्लांट लावू शकता. मनी प्लांट किंवा सक्युलंट्ससारखी छोटी रोपं कमी किमतीत मिळतात आणि रूमला एकदम फ्रेश लुक देतात.
एका छोट्या ट्रेमध्ये मेणबत्ती, फुलं किंवा डेकोरेटिव्ह वस्तू ठेवा. हा सेंट्रल पॉइंट रूमला खूप आकर्षक बनवतो. यासोबतच, काचेच्या जारमध्ये लाइट्स किंवा रंगीत खडे टाकून तुम्ही स्वतः डेकोरेशन तयार करू शकता. हे स्वस्तही आहे आणि युनिकसुद्धा.
एक छोटंसं रंगीबेरंगी मॅट किंवा कार्पेट तुमच्या लिव्हिंग रूममध्ये लगेचच एक उबदार आणि आकर्षक फील देतं. ३०० रुपयांमध्ये तुम्ही मिशो, ॲमेझॉनवरून रंगीबेरंगी मॅट घेऊ शकता.
