Bike Market: भारतात सर्वाधिक विक्री झालेली ही आहे एकमेव EV स्कूटर, काय आहे खास?

Bike Market: भारतीय इलेक्ट्रिक स्कूटर बाजारात TVS iQube ने 8.5 लाख युनिट्स विक्रीचा टप्पा ओलांडून एक नवीन विक्रम केला आहे. आकर्षक फीचर्स आणि विविध मॉडेल्समुळे ही स्कूटर बाजारात एक मजबूत स्पर्धक बनली आहे.

Image Credit : Google

टीव्हीएस आयक्यूब इलेक्ट्रिक स्कूटर

भारतीय इलेक्ट्रिक स्कूटर बाजारात TVS iQube ने एक मोठा माईलस्टोन गाठला आहे. जानेवारी 2020 मध्ये लाँच झाल्यापासून या स्कूटरने आतापर्यंत 8.5 लाख युनिट्सच्या विक्रीचा टप्पा ओलांडला आहे. या यशाच्या सेलिब्रेशनसाठी, TVS मोटर कंपनीने एक नवीन टीव्ही जाहिरात मोहीम सुरू केली आहे.

Image Credit : Google

इंडियन प्रीमियर लीग 2026

ही नवीन जाहिरात मोहीम 2026 च्या इंडियन प्रीमियर लीग (IPL) सामन्यांदरम्यान प्रसारित केली जाणार आहे. 'प्रत्येक व्यक्तीच्या प्रवासामागे एक कुटुंब असतं आणि त्या कुटुंबाच्या आनंदामागे TVS iQube असते' ही या मोहिमेची मुख्य संकल्पना आहे. यातून ही स्कूटर कुटुंबासाठी एक उत्तम पर्याय असल्याचं कंपनी दाखवत आहे.

Image Credit : TVS

टीव्हीएस आयक्यूब

TVS iQube ही भारतातील सर्वात लोकप्रिय इलेक्ट्रिक स्कूटरपैकी एक आहे. ही स्कूटर Bajaj Chetak EV, Ola S1 आणि Hero Vida V2 सारख्या मॉडेल्सना थेट टक्कर देते. यात पिलीयन बॅकरेस्ट, हिल होल्ड, स्मार्ट कनेक्टिव्हिटी आणि मोठी अंडर-सीट स्टोरेज यांसारखी जबरदस्त फीचर्स मिळतात.

Image Credit : Google

टीव्हीएस आयक्यूब किंमत

ही स्कूटर स्टँडर्ड, S आणि ST अशा तीन व्हेरिएंटमध्ये उपलब्ध आहे. यात 2.2 kWh ते 5.3 kWh पर्यंत बॅटरीचे पर्याय आहेत. सर्वाधिक 212 किमी रेंज देणाऱ्या ST मॉडेलची किंमत 1.59 लाख रुपये आहे. इतर मॉडेल्समध्येही किंमत आणि रेंजनुसार वेगवेगळे पर्याय मिळतात.

Image Credit : Google

दर महिन्याला 30,000 पेक्षा जास्त युनिट्सची विक्री

तामिळनाडूतील होसूर प्लांटमध्ये TVS iQube चं उत्पादन होतं. या स्कूटरची दर महिन्याला 30,000 पेक्षा जास्त युनिट्सची विक्री होते. 4.4 kW मोटर आणि 82 किमी/तास टॉप स्पीडमुळे, शहरातल्या प्रवासासाठी हा एक उत्तम पर्याय आहे. यावर 3 वर्षे किंवा 50,000 किमीची वॉरंटीही दिली जाते.