Aadhaar Update Charges : आधार कार्ड अपडेट करण्यासाठी किती शुल्क लागते? कोणती कागदपत्रे लागतात?

आधार कार्डमध्ये जन्मतारीख बदलण्यासाठी, जवळच्या आधार केंद्राला भेट द्यावी लागेल, अर्ज भरावा लागेल आणि आवश्यक कागदपत्रे सादर करावी लागतील. आधार अपडेटसाठी किती शुल्क लागते ते पाहूया. तसेच कागदपत्रांची माहिती करुन घेऊयात.

Image Credit : Google

आधारचे महत्त्व

भारतातील प्रत्येक नागरिकासाठी आधार कार्ड (UIDAI कडून जारी केलेले) ही महत्त्वाची ओळखपत्र आहे. बँक खाते, सरकारी योजना, प्रवास, डिजिटल पडताळणी अशा अनेक ठिकाणी आधार आवश्यक असतो. त्यामुळे आधारवरील माहिती – विशेषतः जन्मतारीख (DOB) – बरोबर असणे फार महत्त्वाचे आहे.

Image Credit : Getty

जन्मतारीख बदलण्याची प्रक्रिया

• UIDAI ने जन्मतारीख दुरुस्तीची प्रक्रिया सोपी केली आहे. मात्र, ही प्रक्रिया ऑनलाईन करता येत नाही. त्यासाठी नागरिकांनी थेट आधार एनरोलमेंट/अपडेट सेंटरमध्ये जावे लागेल.
• सेंटरमध्ये मिळणारे अपडेट/करrection फॉर्म भरावा लागेल.
• त्यासोबत जन्मतारीख सिद्ध करणारी कागदपत्रे जोडावी लागतील – जसे की जन्म दाखला, पासपोर्ट, शासकीय ओळखपत्र इत्यादी.
• तुमची बायोमेट्रिक पडताळणी केली जाईल.
• शेवटी तुम्हाला १४ अंकी URN (Update Request Number) असलेली पावती मिळेल. याच्या मदतीने अर्जाची स्थिती ट्रॅक करता येईल.

Image Credit : Google

शुल्काची माहिती

• आधारवरील कोणत्याही एक अपडेटसाठी ₹५० शुल्क आकारले जाते.
• पूर्वी UIDAI ऑनलाइन पद्धतीने नाव, जन्मतारीख, लिंग इत्यादी माहिती बदलण्याची सुविधा देत असे.
• पण आता फक्त पत्ता बदल हा ऑनलाईन (MyAadhaar पोर्टलवर) करता येतो.
• नाव, जन्मतारीख आणि लिंग यासारखे बदल फक्त सेंटरवर जाऊनच करता येतात.

Image Credit : Google

कोणती कागदपत्रे ग्राह्य धरली जातात?

• जन्मतारीख दुरुस्तीसाठी खालील कागदपत्रे स्वीकारली जातात:
• शासकीय जन्म दाखला
• पासपोर्ट
• केंद्र/राज्य सरकार किंवा सार्वजनिक क्षेत्रातील संस्था देत असलेले ओळखपत्र
• मान्यताप्राप्त विद्यापीठ/बोर्ड देणारे गुणपत्रक
• निवृत्तीवेतन आदेशपत्र

Image Credit : Google

महत्वाच्या अटी

• UIDAI च्या नियमानुसार, जन्मतारीख फक्त एकदाच बदलता येते.
• दुसऱ्यांदा बदल करायचा असल्यास UIDAI च्या Regional Officeमार्फत exception management process वापरावी लागेल.
• यासाठी योग्य कारणे व वैध पुरावे सादर करणे आवश्यक आहे.
• कोणत्याही परिस्थितीत कागदपत्रांशिवाय बदल मान्य केला जात नाही.