एका टाकीत 770 किमी, 70 हजारांत मिळणारी जबरदस्त मायलेज बाईक
नवीन वर्षात कमी बजेटमध्ये जास्त मायलेज देणारी बाईक खरेदी करण्याचा विचार करणाऱ्यांसाठी ही एक उत्तम निवड आहे. ही बाईक 65,407 रुपये (एक्स-शोरूम) किंमतीत उपलब्ध आहे. कमी किंमतीबद्दलची बाईक शोधत असाल तर ही बेस्ट आहे. चला याबद्दल सविस्तर जाणून घेऊया.
जास्त मायलेज देणारी सुपर बाईक
नवीन वर्षात नवीन बाईक घेण्याचा विचार करणाऱ्यांसाठी ही एक उत्तम माहिती आहे. कमी किंमत, जास्त मायलेज आणि रोजच्या प्रवासासाठी सोयीस्कर बाईक शोधत आहात का? तसे असल्यास, 70,000 रुपयांपेक्षा कमी किमतीत मिळणारी ही मायलेज बाईक तुमच्यासाठी योग्य पर्याय असू शकते. कमी बजेटमध्ये पेट्रोलचा खर्च कमी करू इच्छिणाऱ्यांसाठी हा एक चांगला उपाय आहे.
70,000 रुपयांपेक्षा कमी किमतीची बाईक
या यादीत बजाजची लोकप्रिय प्लॅटिना 100 बाईक सर्वांचे लक्ष वेधून घेते. किंमत कमी असली तरी, मायलेजच्या बाबतीत ही बाईक जबरदस्त आहे. रोजच्या ऑफिस, कामासाठी आणि ग्रामीण ते शहरी प्रवासासाठी हे मॉडेल योग्य आहे. भारतीय बाजारात या बाईकची सुरुवातीची किंमत 65,407 रुपये (एक्स-शोरूम) आहे.
पेट्रोलची बचत करणारी बाईक
या किंमतीत इलेक्ट्रिक स्टार्ट, लांब सीट, सुधारित शॉक ॲब्झॉर्बर आणि चांगली पकड मिळते. याच किंमतीत ही बाईक Hero Splendor Plus, Honda Shine 100, Hero HF Deluxe सारख्या बाईक्सना थेट स्पर्धा देते. मायलेजच्या बाबतीत ही बाईक खरोखरच लक्ष वेधून घेते. एका लिटर पेट्रोलमध्ये ती सुमारे 70 किमी धावते.
कमी किमतीची बाईक
यात 11-लिटरची इंधन टाकी आहे, ज्यामुळे एकदा टाकी पूर्ण भरल्यावर सुमारे 770 किमीचा प्रवास करता येतो. यामुळे पेट्रोलचा खर्च कमी होतो. डिझाइन आणि इंजिनबद्दल बोलायचे झाल्यास, यात LED DRLs आणि नवीन रिअर व्ह्यू मिररसारखे छोटे बदल करण्यात आले आहेत.
प्लॅटिना 100 बाईकची वैशिष्ट्ये
यात 99.59cc क्षमतेचे 4-स्ट्रोक DTS-i सिंगल-सिलेंडर इंजिन आहे. हे 7,500rpm वर 8.2PS पॉवर देते. याचा कमाल वेग सुमारे 90 किमी/तास आहे. समोर 130 मिमी आणि मागे 110 मिमी ड्रम ब्रेक आणि अँटी-स्किड ब्रेकिंग सिस्टीममुळे ही बाईक सुरक्षिततेची खात्री देते.
