Craft तुमच्याकडे शर्ट किंवा कोटची जुनी, तुटलेली बटणं पडून आहेत का? ती कचरा समजून फेकू नका. या बटणांचा वापर करून तुम्ही घर सजवण्यासाठी १० युनिक आणि क्रिएटिव्ह वस्तू बनवू शकता. या आयडिया खूप सोप्या आहेत आणि तुम्ही फावल्या वेळेत नक्कीच ट्राय करू शकता.
Coat Button DIY Craft Ideas: शर्ट आणि कोटची बटणं तुटल्यावर आपण अनेकदा नवीन लावतो आणि जुनी फेकून देतो. पण थोडं डोकं चालवलं तर घर सजवण्याचा खर्च वाचू शकतो. बटणं ही अशी वस्तू आहे जी जवळपास प्रत्येक कपड्यात असते. ही बटणं साठवून तुम्ही सुंदर वस्तू बनवू शकता. तुम्हालाही फावल्या वेळेत काहीतरी नवीन करायचं असेल, तर या १० आयडिया नक्की ट्राय करा.
- एका छोट्या लाकडी फ्रेममध्ये रंगीबेरंगी बटणांनी एक सुंदर सीनरी बनवा. फ्रेममध्ये कार्डबोर्ड लावून पेन्सिलने एका झाडाचं चित्र काढा. मग झाडाच्या पानांच्या जागी गम लावून बटणं चिकटवा. शेवटी काच लावा. हे साईड टेबलवर किंवा भिंतीवर खूप छान दिसेल.
2. हॉल किंवा किचनसाठी तुम्ही रंगीबेरंगी बटणांचा वापर करून द्राक्षांचा घड बनवू शकता. यासाठी तुम्हाला एक प्लेन भिंत, लहान-मोठ्या आकाराची बटणं आणि गम लागेल. याला तपकिरी रंगाची पानं जोडल्यास ते अजून आकर्षक दिसेल आणि एक कोझी आणि फंकी लूक देईल.
Related Articles
3. तुम्हाला पेपर क्राफ्ट येत असेल तर एका पांढऱ्या आर्ट पेपरवर पेन्सिलने कप-बशी काढा आणि ती बटणांनी सजवा. इथे डार्क ब्राऊन रंगाची बटणं वापरली आहेत, ज्यामुळे हॉट कॉफीचा फील येतो. ही क्यूट कलाकृती बेडरूम आणि किचन दोन्हीसाठी बेस्ट आहे.
4. छोट्या-छोट्या बटणांचा वापर करून कुशन कव्हर सजवा. कोणत्याही कॉटन, सिल्क किंवा सॅटिनच्या प्लेन पिलो कव्हरवर सुई-दोऱ्याने बटणं शिवून घ्या. हे खूप युनिक आणि स्टायलिश दिसतं. तुम्ही हवं तर तुमच्या नावाचं पहिलं अक्षरही बटणांनी लिहू शकता.
5. कोट किंवा शर्टच्या बटणांनी घड्याळ सजवणं (Watch Decor) हा सुद्धा एक भारी पर्याय आहे. तुम्हाला जास्त क्रिएटिव्हिटी जमत नसेल, तर साध्या घड्याळाच्या प्लेन पृष्ठभागावर फक्त आकर्षक रंगांची बटणं लावा आणि त्याला स्टायलिश बनवा.
6. खऱ्या फुलांची काळजी घेणं आणि ती विकत आणणं थोडं महाग पडतं. म्हणून, एक शाश्वत पर्याय म्हणून झाडाच्या तुटलेल्या फांद्या घ्या आणि त्यावर रंगीबेरंगी बटणं लावून फुलं तयार करा. ही फुलं दिसायला खूप क्यूट आणि क्रिएटिव्ह वाटतात.
7. मुख्य दरवाजावर वॉल बेल हँगिंग खूप छान दिसतं. पण ते विकत घ्यायचं म्हणजे १०००-२००० रुपयांचा खर्च. त्याऐवजी लाकूड आणि दोरीच्या मदतीने बेस तयार करा आणि त्यावर छोटी-छोटी बटणं लावून उंच ठिकाणी टांगा. तुम्ही हे बाल्कनी किंवा घराबाहेरही लावू शकता.
8. बटणांच्या मदतीने कीचेन बनवणंही सोपं आहे. यासाठी मुलांची तुटलेली बाहुली घ्या आणि तिला बटणांनी सजवा. ही एक सोपी DIY आयडिया आहे, जी कोणीही ट्राय करू शकतं.
9. रंगीबेरंगी बटणांच्या मदतीने फुलांचा गुच्छही तयार करता येतो. तो खूप क्रिएटिव्ह आणि सुंदर दिसतो. तुम्ही त्याला काचेच्या जारमध्ये किंवा एखाद्या आकर्षक कुंडीत ठेवून अजून छान बनवू शकता.
10. जर तुम्हाला काहीच सुचत नसेल, तर घरात पडलेल्या जुन्या चपलांवर बटणांनी क्राफ्ट करा. फोटोमध्ये जसं जुन्या चपलांवर छोटी-छोटी बटणं लावली आहेत, तसंच तुम्ही तुमच्या जुन्या फुटवेअरला व्हायब्रंट आणि आकर्षक लूक देऊ शकता.
