Mumbai Metro 8 : मुंबईकरांची प्रतीक्षा संपली! मेट्रो ८ च्या स्थानकांची 'ही' आहेत अधिकृत नावे, संपूर्ण यादी फक्त एका क्लिकवर!

Metro 8 Station List : मुंबई मेट्रो 8 मार्गिका मुंबई विमानतळ (CSMIA) ते नवी मुंबई विमानतळ (NMIA) यांना जोडणार असून यामुळे प्रवासाचा वेळ 40-45 मिनिटांवर येणारय. 20 स्थानकांसह ही गोल्डन लाईन मुंबई, नवी मुंबईतील प्रवाशांना वेगवान प्रवासाचा अनुभव देईल.

Image Credit : Getty

मुंबई ते नवी मुंबई विमानतळ प्रवास आता फक्त 45 मिनिटांत

Metro 8 Station List : मुंबई विमानतळ (CSMIA) ते नवी मुंबई आंतरराष्ट्रीय विमानतळ (NMIA) हा प्रवास आता मेट्रो 8 मार्गिकेमुळे केवळ 40 ते 45 मिनिटांत शक्य होणार आहे. एकूण 20 स्थानकांसह बनणारी ही सोनेरी मार्गिका नवी मुंबईत 11 स्थानकांवर थांबणार असून प्रवासाला अधिक वेग, सुरक्षितता आणि आराम देणार आहे. 

Image Credit : ANI

मुंबई–नवी मुंबईला जोडणारी नवी ‘गोल्डन’ लाईन

मुंबई आणि नवी मुंबई यांना जोडण्यासाठी मेट्रो 8 ही महत्त्वपूर्ण मार्गिका उभारली जात आहे. छत्रपती शिवाजी महाराज आंतरराष्ट्रीय विमानतळाला थेट नवी मुंबई विमानतळाशी जोडणारी ही लाईन भविष्यातील प्रवासासाठी मोठी क्रांती ठरणार आहे.

एकूण लांबी : 34.89 किमी

एकूण स्थानके : 20

उन्नत स्थानके : 14

भूमिगत स्थानके : 6 

Image Credit : X

मार्गिकेची वैशिष्ट्ये

वाशी खाडी पूल पार करून मेट्रो मानखुर्दपासून शीव–पनवेल महामार्गासोबत समांतर धावेल आणि नेरूळ, सीवूड्स, बेलापूर, उरण मार्गे NMIA पर्यंत पोहोचेल. सध्या मुंबई ते नवी मुंबई विमानतळ प्रवासासाठी 1.5 ते 2 तास लागतात; परंतु मेट्रो 8 मुळे हा वेळ निम्म्यापेक्षाही कमी होणार आहे.

भूमिगत टप्पा : छेडानगर ते CSMIA (9.25 किमी)

उन्नत टप्पा : उर्वरित 25.63 किमी

ही मार्गिका प्रवाशांसाठी वेगवान, सुरक्षित, पर्यावरणपूरक आणि आधुनिक प्रवासाचा अनुभव देणार आहे. 

Image Credit : X

मेट्रो 8 ची मुख्य स्थानके

CSMIA T2

LBS मार्ग

S.G. Barve मार्ग

Kurla Central

LTT

घाटकोपर पूर्व

गोवंडी पश्चिम

मानखुर्द

ISBT मानखुर्द

वाशी

Image Credit : X

सानपाडा

जुईनगर

नेरूळ सेक्टर 1

नेरूळ

सीवूड्स

बेलापूर

सागर संगम

तारघर मोहा

NMIA पश्चिम

NMIA T2

मेट्रो 8 सुरू झाल्यानंतर मुंबई आणि नवी मुंबईतील प्रवास अधिक वेगवान, आरामदायी आणि तंत्रज्ञानाधारित होणार आहे.