मुंबईकरांनो लक्ष द्या! १४ आणि १५ जानेवारीला पश्चिम रेल्वेचे कंबरडे मोडणार; २८८ लोकल रद्द, घराबाहेर पडण्यापूर्वी 'हे' वेळापत्रक वाचा

Mumbai Local Update : पश्चिम रेल्वेवर कांदिवली ते बोरिवली दरम्यान सहाव्या मार्गिकेच्या कामासाठी १४ आणि १५ जानेवारीला मेगा ब्लॉक जाहीर झाला आहे. या ब्लॉकमुळे २८८ लोकल फेऱ्या रद्द होणार असून लांब पल्ल्याच्या गाड्यांवरही परिणाम होईल. 

Image Credit : Social media

मुंबईकरांनो लक्ष द्या! १४ आणि १५ जानेवारीला पश्चिम रेल्वेचे कंबरडे मोडणार

Mumbai Local Update : जर तुम्ही मंगळवार आणि बुधवारी पश्चिम रेल्वेने प्रवास करणार असाल, तर तुमच्यासाठी ही बातमी अत्यंत महत्त्वाची आहे. कांदिवली ते बोरिवली दरम्यान सहाव्या मार्गिकेच्या (6th Line) कामासाठी रेल्वे प्रशासनाने 'मेगा ब्लॉक' जाहीर केला आहे. या ब्लॉकमुळे प्रवाशांना मोठा फटका बसणार असून तब्बल २८८ लोकल फेऱ्या रद्द करण्यात आल्या आहेत. 

Image Credit : fb

नेमकं काय आहे कारण?

कांदिवली ते बोरिवली दरम्यान सहावी मार्गिका उभारण्याचे काम अंतिम टप्प्यात आहे. हे काम २० डिसेंबर २०२५ पासून सुरू असून १८ जानेवारी २०२६ पर्यंत चालणार आहे. या अंतर्गत मंगळवार (१४ जानेवारी) आणि बुधवार (१५ जानेवारी) रात्री विशेष तांत्रिक कामं केली जाणार आहेत. यामुळे दररोजच्या नियोजित फेऱ्यांपैकी सुमारे १० ते १५ टक्के लोकल धावणार नाहीत. 

Image Credit : X(Twitter)

ब्लॉकची वेळ आणि ठिकाण

पश्चिम रेल्वेने दिलेल्या माहितीनुसार, कांदिवली आणि मालाड दरम्यान 'पॉइंट' तोडण्याचे काम रात्रीच्या वेळी केले जाईल

मंगळवारी रात्री: अप जलद मार्गावर रात्री १२ ते पहाटे ५:३० पर्यंत आणि डाऊन जलद मार्गावर रात्री १ ते पहाटे ४:३० पर्यंत ब्लॉक असेल.

बुधवारी रात्री: याच वेळेत पुन्हा ब्लॉक घेतला जाईल, ज्यामुळे पहाटेच्या लोकल सेवेवर मोठा परिणाम होईल. 

Image Credit : Getty

एक्सप्रेस गाड्यांच्या प्रवाशांनाही फटका!

केवळ लोकलच नाही, तर लांब पल्ल्याच्या गाड्यांचे वेळापत्रकही कोलमडले आहे.

१३ आणि १४ जानेवारीला नंदुरबार-बोरिवली आणि अहमदाबाद-बोरिवली एक्सप्रेस फक्त वसई रोडपर्यंतच धावतील.

१४ आणि १५ जानेवारीला बोरिवलीहून सुटणाऱ्या अनेक एक्सप्रेस गाड्या वसई रोडवरून चालवल्या जातील.

अनेक गाड्यांच्या वेगावर मर्यादा (Speed Restriction) असल्याने त्या उशिराने धावण्याची शक्यता आहे. 

Image Credit : Getty

भविष्यात काय फायदा होणार?

सध्या जरी प्रवाशांना त्रासाला सामोरे जावे लागत असले, तरी या सहाव्या मार्गिकेचा मोठा फायदा मुंबईकरांना होणार आहे. हा विस्तार पूर्ण झाल्यानंतर

१. लोकल फेऱ्यांची संख्या वाढवता येईल.

२. एक्सप्रेस गाड्यांसाठी स्वतंत्र मार्गिका मिळाल्याने लोकलचा 'लेटलतीफ'पणा कमी होईल.

३. प्रवाशांचा प्रवासाचा वेळ वाचेल. 

Image Credit : Getty

प्रवाशांना विनंती

१४ आणि १५ जानेवारीला प्रत्येकी १४४ फेऱ्या रद्द असल्याने स्टेशनवर मोठी गर्दी होण्याची शक्यता आहे. शक्य असल्यास पर्यायी मार्गाचा वापर करावा किंवा रेल्वेचे अधिकृत वेळापत्रक तपासूनच घराबाहेर पडावे.