Dahi Handi 2025 : मुंबईतील या ठिकाणी नक्की पाहा दहीहंडी, सेलिब्रेटी लावतात उपस्थिती
Dahi Handi 2025 : आज गोकुळाष्टमीनंतर दहीहंडीचा उत्सव साजरा केला जात आहे. यानिमित्त महाराष्ट्रातील खासकरुन मुंबईत दहीहंडीचा उत्साह शिगेला पोहोचलेला दिसून येतो. अशातच मुंबईतील कोणत्या ठिकाणी तुम्ही दहीहंडी पाहू शकता हे जाणून घ्या.
वरळी जांभोरी मैदान
वरळीतील जांभोरी मैदानात तुम्ही दहीहंडीच्या उत्सवाचा आनंद घेऊ शकता. येथे वेगवेगळ्या गोविंदा पथकांकडून दहीहंडी फोडण्याचा थरार केला जातो.
एलफिस्टन रोड
एलफिस्टन रोड जवळ देखील तुम्ही दहीहंडी पाहू शकता. येथे मनसे कार्यकर्ता मुनाफ ठाकूर यांच्या तर्फे नुकतेच मनसे अध्यक्ष राज ठाकरे यांना दहीहंडीचे निमंत्रण देण्यात आले होते. तेव्हा राज ठाकरे यांनी मी केवळ मटण हंडीच स्विकारतो असे म्हटले होते. याचा व्हिडीओ सोशल मीडियावर तुफान व्हायरल झाला होता. या ठिकाणी देखील तुम्ही नक्कीच दहीहंडी पाहण्यासाठी जाऊ शकता.
छबीलदास गल्ली
छबीलदास गल्लीमध्ये महिला गोविंदा पथकांची दहीहंडी पाहण्यासारखी असते. यांनी दहीहंडी फोडल्यानंतर अन्य दहीहंडी फोडण्याचा प्रयत्न गोविंदा पथकांकडून केला जातो.
दादर फुलमार्केट
दादर फुलमार्केटजवळ देखील दहीहंडीचे आयोजन केले जाते. दादर स्थानकाच्या बाहेरच तुम्ही दहीहंडीच्या उत्साहाचा आनंद घेऊ शकता.
घाटकोपर
घाटकोपरला देखील तुम्ही दहीहंडीच्या उत्साहाचा आनंद घेऊ शकता. या ठिकाणी अनेक गोविंदा पथक येऊन दहीहंडी फोडण्याचा प्रयत्न करतात.
ठाणे
ठाण्यात वेगवेगळ्या ठिकाणी मानाच्या दहीहंडीचे आयोजन केले जाते. या ठिकाणी देखील दहीहंडीच्या उत्सवाचा आनंद शिगेला पोहचलेला असतो.
