विठ्ठलभक्तांसाठी मोठी बातमी! कार्तिकी एकादशीला एसटीच्या तब्बल ११५० बसेस धावणार पंढरपूरकडे, खास सोयींसह प्रवास होणार अधिक सुखकर!

ST Bus Kartiki Ekadashi 2025: कार्तिकी एकादशी यात्रेसाठी MSRTC ने पंढरपूरला जाणाऱ्या भाविकांसाठी ११५० जादा बसेसची घोषणा केली. २८ ऑक्टोबर ते ३ नोव्हेंबरला चालणाऱ्या या सेवेत प्रवाशांसाठी विशेष सुविधा, सुरक्षा व्यवस्था, गट आरक्षणावर सवलत उपलब्ध असेल. 

Image Credit : social media

कार्तिकी एकादशीसाठी एसटीची मोठी तयारी!

ST Bus Kartiki Ekadashi 2025: विठ्ठलभक्तांसाठी आनंदाची बातमी! कार्तिकी एकादशीच्या यात्रेनिमित्त महाराष्ट्र राज्य परिवहन महामंडळाने (MSRTC) यंदा भाविकांच्या सोयीसाठी ११५० जादा बसेस सोडण्याची घोषणा केली आहे. दरवर्षीप्रमाणे यंदाही लाखो वारकरी आणि भक्त पंढरपूरकडे प्रस्थान करणार असून, त्यांच्या सुरक्षित आणि सोयीस्कर प्रवासाची संपूर्ण जबाबदारी एसटी महामंडळाने उचलली आहे. 

Image Credit : social media

यात्रेचा कालावधी आणि व्यवस्था

पंढरपूर येथील ‘चंद्रभागा’ एसटी बसस्थानकावरून २८ ऑक्टोबर ते ३ नोव्हेंबर दरम्यान या जादा बससेवा सुरु राहणार आहेत. या स्थानकात एकूण १७ फलाट असून, सुमारे १००० बसेससाठी सुसज्ज पार्किंग व्यवस्था करण्यात आली आहे. यासोबतच, एसटीचे अधिकारी आणि कर्मचारी यांच्यासाठी निवासाची सोय देखील याच ठिकाणी उपलब्ध करून देण्यात आली आहे, अशी माहिती राज्याचे परिवहन मंत्री प्रताप सरनाईक यांनी दिली.

Image Credit : Getty

वाहतूक आणि सुरक्षा व्यवस्थेवर विशेष भर

यात्रेच्या मुख्य दिवशी वाहतूक कोंडी होऊ नये म्हणून १२० हून अधिक एसटी कर्मचारी चंद्रभागा बसस्थानकावर तैनात राहतील. वाहन दुरुस्ती आणि देखभालीसाठी स्वतंत्र सुविधा उभारण्यात आल्या आहेत, तसेच शहराबाहेरील मार्गांवर बिघाड पथके तैनात केली जाणार आहेत. स्त्रिया आणि लहान बालकांसह येणाऱ्या प्रवाशांसाठी ‘हिरकणी कक्ष’ स्थापन करण्यात आला आहे, ज्यामुळे गरोदर महिला आणि स्तनदा मातांना प्रवासादरम्यान विशेष सुविधा मिळणार आहेत. 

Image Credit : our own

गाव ते पंढरपूर, थेट एसटी सेवा

यात्रेच्या काळात जर एखाद्या गावातील ४० किंवा अधिक प्रवाशांनी एकत्रित मागणी केली, तर त्या गावातून थेट पंढरपूरसाठी विशेष एसटी बस सोडली जाईल. या गट आरक्षणात महिलांना आणि ज्येष्ठ नागरिकांना ५०% सूट देण्यात आली आहे, तर ७५ वर्षांवरील ज्येष्ठ नागरिकांसाठी प्रवास पूर्णतः मोफत असेल. प्रवाशांनी गैरसोय टाळण्यासाठी आपल्या गावातून आगाऊ गट आरक्षण करावे, असे आवाहन मंत्री प्रताप सरनाईक यांनी केले. 

Image Credit : social media

मागील वर्षाची कामगिरी आणि यंदाची तयारी

मागील वर्षी कार्तिकी एकादशी यात्रेत एसटी महामंडळाने १०५५ जादा बसेसच्या माध्यमातून सुमारे ३.७२ लाख प्रवाशांची सुरक्षित ने-आण केली होती.

या सेवेतून एसटीला सुमारे ६ कोटी रुपयांचे उत्पन्न मिळाले होते. यंदाही लाखो वारकरी प्रवाशांच्या सेवेसाठी एसटीचे हजारो कर्मचारी रात्रंदिवस तत्पर राहतील, असा विश्वास परिवहन मंत्री प्रताप सरनाईक यांनी व्यक्त केला आहे. 

Image Credit : others

विठ्ठलभक्तांसाठी सुखकर प्रवासाचा संकल्प

यंदाच्या कार्तिकी यात्रेत “भाविकांचा प्रवास सुखाचा, सुरक्षित आणि वेळेवर” हा ब्रीदवाक्य ठेवून एसटी महामंडळ कार्यरत आहे. विठ्ठलभक्तांसाठी ही यात्रा फक्त श्रद्धेचा नाही, तर संघटित नियोजन आणि सेवाभावाचा अनुभव ठरणार आहे.