Maharashtra Rain Alert: पुढील 24 तास महत्त्वाचे! राज्यात मुसळधार पावसाचा इशारा, 4 जिल्ह्यांना ऑरेंज अलर्ट

Maharashtra Rain Alert: पुढील २४ तासांत महाराष्ट्रात पावसाचा जोर वाढणार असून, दक्षिण कोकण, दक्षिण मध्य महाराष्ट्र, मराठवाडा आणि विदर्भात जोरदार पाऊस पडण्याची शक्यता आहे. 

Image Credit : Getty

मुंबई : पुढील 24 तासांमध्ये राज्यात पावसाचा जोर वाढणार असल्याचा अंदाज हवामान विभागाने वर्तवला आहे. विशेषतः दक्षिण कोकण, दक्षिण मध्य महाराष्ट्र, मराठवाडा आणि विदर्भात जोरदार पाऊस कोसळण्याची शक्यता आहे. 13 ते 19 ऑगस्ट या आठवड्यात राज्यात पावसाचे प्रमाण चांगले राहील.

Gusty winds with speed reaching 30-40 Kmph very likely to occur at isolated places in the districts of Konkan, Madhya Maharashtra and Marathwada." 

तपशीलवार जिल्हानिहाय हवामान अंदाज व चेतावणीसाठी कृपया https://t.co/jw7yrf8Es5 भेट घ्या. pic.twitter.com/8lyqshx6M2

— Regional Meteorological Center,Mumbai (@RMC_Mumbai) August 12, 2025

Image Credit : Social Media

मुंबई आणि कोकण

मुंबई शहर आणि उपनगरात पुढील 24 तास हवामान ढगाळ राहील आणि मध्यम स्वरूपाच्या पावसाची शक्यता आहे. कमाल तापमान 31 अंश सेल्सिअस आणि किमान तापमान 25 अंश सेल्सिअसच्या आसपास असेल. 13 ऑगस्टसाठी कोकणातील काही जिल्ह्यांना जोरदार पावसाचा इशारा देण्यात आला आहे. यलो अलर्ट: पालघर, ठाणे, मुंबई, रायगड, रत्नागिरी आणि सिंधुदुर्ग या जिल्ह्यांमध्ये काही ठिकाणी मुसळधार पाऊस पडू शकतो.

Image Credit : AI Meta

पश्चिम महाराष्ट्र आणि उत्तर महाराष्ट्र

पश्चिम महाराष्ट्रात पुणे, सातारा, सोलापूर आणि कोल्हापूरच्या घाटमाथ्यावर यलो अलर्ट जारी करण्यात आला आहे. उत्तर महाराष्ट्रातील अहमदनगर जिल्ह्यासाठीही यलो अलर्ट आहे, तर धुळे, नाशिक, नंदुरबार आणि जळगाव या जिल्ह्यांमध्येही जोरदार पावसाची शक्यता आहे.

Image Credit : ANI

मराठवाडा आणि विदर्भ

मराठवाड्यात छत्रपती संभाजीनगर वगळता जालना, बीड, धाराशिव, परभणी, हिंगोली, लातूर आणि नांदेड या सात जिल्ह्यांसाठी यलो अलर्ट जारी करण्यात आला आहे. विदर्भात पावसाचा जोर जास्त राहणार आहे. चार जिल्ह्यांसाठी ऑरेंज अलर्ट जारी करण्यात आला आहे.

Image Credit : social media

ऑरेंज अलर्ट: यवतमाळ, भंडारा, चंद्रपूर आणि गडचिरोली

पूर्व विदर्भातील नागपूर आणि गोंदिया जिल्ह्यांमध्येही मुसळधार पावसाचा अंदाज आहे. ऑरेंज अलर्ट नसलेल्या उर्वरित विदर्भातील जिल्ह्यांसाठी यलो अलर्ट देण्यात आला आहे.

एकूणच, 13 ते 19 ऑगस्ट दरम्यान संपूर्ण विदर्भात जोरदार ते काही ठिकाणी मुसळधार पाऊस पडण्याची शक्यता आहे. त्यामुळे नागरिकांनी आवश्यक ती खबरदारी घ्यावी.