Maharashtra Weather Alert: महाराष्ट्रात बुधवारी पुन्हा मुसळधार पावसाचा इशारा!, 29 जिल्ह्यांना यलो-ऑरेंज अलर्ट

Maharashtra Weather Alert: हवामान विभागाने २९ ऑक्टोबरला महाराष्ट्रातील २९ जिल्ह्यांसाठी यलो, ऑरेंज अलर्ट जारी केला. कोकण, पश्चिम महाराष्ट्र, मराठवाडा, उत्तर महाराष्ट्र, विदर्भात विजांच्या कडकडाटासह मुसळधार ते अती मुसळधार पावसाचा इशारा दिलाय. 

Image Credit : ANI

राज्यात पुन्हा एकदा मुसळधार पावसाची शक्यता

मुंबई: राज्यात पुन्हा एकदा मुसळधार पावसाची शक्यता निर्माण झाली आहे. हवामान विभागाने 29 ऑक्टोबर रोजी महाराष्ट्रातील 29 जिल्ह्यांना यलो आणि ऑरेंज अलर्ट जारी केला आहे. विजांचा कडकडाट, वादळी वारे आणि मुसळधार ते अती मुसळधार पावसाचा इशारा देण्यात आला आहे. गेल्या काही दिवसांत राज्यात पावसाचे आणि उकाड्याचे संमिश्र वातावरण दिसत असताना, 29 ऑक्टोबर रोजी हवामानात मोठा बदल होणार असल्याची शक्यता व्यक्त केली जात आहे.

Thunderstorm accompanied with lightning, heavy rainfall, gusty winds with speed reaching 40-50 Kmph very likely to occur at isolated places in the districts of South Konkan-Goa, South Madhya Maharashtra , Marathwada .

— Regional Meteorological Center,Mumbai (@RMC_Mumbai) October 28, 2025

Image Credit : social media

कोकण विभागात वादळी पावसाचा इशारा

मुंबई, ठाणे, पालघर, रायगड, रत्नागिरी आणि सिंधुदुर्ग या जिल्ह्यांमध्ये वादळी वाऱ्यासह हलका ते मध्यम पाऊस पडणार आहे. विजांचा कडकडाट आणि गडगडाट यासह या सर्व भागांसाठी यलो अलर्ट जारी करण्यात आला आहे. 

Image Credit : Getty

पश्चिम महाराष्ट्रातही जोरदार पाऊस

पुणे आणि सातारा जिल्ह्यांमध्ये विजांच्या कडकडाटासह मुसळधार पावसाची शक्यता, तर घाटमाथा परिसरात अती मुसळधार पावसाचा इशारा देण्यात आला आहे. कोल्हापूर, सांगली आणि सोलापूर जिल्ह्यांत ढगांच्या गडगडाटासह हलका पाऊस होऊ शकतो. 

Image Credit : Getty

मराठवाड्यात वीज आणि पावसाचा डबल इशारा

छत्रपती संभाजीनगर, बीड, नांदेड, लातूर आणि धाराशिव येथे हलका ते मध्यम पाऊस, तर जालना, परभणी आणि हिंगोली येथे वादळी वाऱ्यासह मुसळधार पाऊस पडण्याचा अंदाज वर्तवण्यात आला आहे. या सर्व जिल्ह्यांना यलो अलर्ट देण्यात आला आहे. 

Image Credit : ANI

उत्तर महाराष्ट्रात ढगांचा जोर

धुळे, नंदुरबार आणि जळगाव जिल्ह्यांत हलका ते मध्यम पाऊस, तर नाशिक व घाटमाथा परिसरात मुसळधार पावसाची शक्यता आहे. सर्व ठिकाणी यलो अलर्ट लागू आहे. 

Image Credit : Asianet News

विदर्भात सर्वाधिक सतर्कता

अकोला, अमरावती, बुलढाणा, नागपूर, वर्धा, वाशिम आणि भंडारा येथे मध्यम ते मुसळधार पावसाचा अंदाज आहे. तर चंद्रपूर, गडचिरोली, गोंदिया आणि यवतमाळ जिल्ह्यांसाठी ऑरेंज अलर्ट देण्यात आला आहे. या भागांत वादळी वाऱ्यासह अती मुसळधार पाऊस होण्याची शक्यता हवामान विभागाने व्यक्त केली आहे. 

Image Credit : ANI

नागरिकांसाठी सूचना

राज्यात अनेक ठिकाणी पावसाची शक्यता असल्याने, नागरिकांनी हवामान खात्याच्या सूचनांचे पालन करावे, तसेच अनावश्यक बाहेर पडणे टाळावे, असे आवाहन प्रशासनाकडून करण्यात आले आहे.