टॉप लोड की फ्रंट लोड? तुमच्या घरासाठी कोणती वॉशिंग मशीन बेस्ट? वाचा सविस्तर माहिती
Top Load vs Front Load Washing Machine : वॉशिंग मशीन प्रत्येक घरातील एक आवश्यक वस्तू बनली आहे. पण बाजारात गेल्यावर टॉप लोड घ्यायची की फ्रंट लोड, याबाबत अनेकांचा गोंधळ उडतो. या दोन्हीच्या किंमती आणि देखभालीमध्ये बरेच फरक आहेत.
कमी पाणी आणि कमी वीज
फ्रंट लोड वॉशिंग मशीन कपड्यांना उभ्या दिशेने फिरवण्याच्या तंत्रज्ञानावर काम करतात. हट्टी डाग काढण्यासाठी हे खूप प्रभावी आहे. हे टॉप लोडपेक्षा कमी पाणी आणि कमी वीज वापरते. त्यामुळे विजेचे बिल कमी येते. हे कपड्यांना हळूवारपणे धुते, त्यामुळे कपडे लवकर खराब होत नाहीत. काम करताना आवाजही कमी होतो.
थोडं महाग
फ्रंट लोड वॉशिंग मशीन थोड्या महाग असतात. काही नवीन मॉडेल्स वगळता, तुम्ही मध्येच कपडे टाकू शकत नाही. आतमध्ये ओलावा राहत असल्याने बुरशी लागण्याची शक्यता असते. त्यामुळे वापरानंतर काही वेळ दार उघडं ठेवावं लागतं.
कमी किमतीत उपलब्ध
आपल्या देशात अनेकजण टॉप लोड वॉशिंग मशीनला पसंती देतात. यामध्ये कपडे वरून टाकावे लागतात. फ्रंट लोडिंग मशीनच्या तुलनेत या कमी किमतीत उपलब्ध आहेत. कपडे धुण्याची प्रक्रिया सुरू असताना मध्येच तुम्ही आणखी कपडे टाकू शकता. या मशीनमध्ये पाणी लवकर सुकत असल्याने बुरशीची समस्या कमी असते.
पाणी आणि विजेचा वापर जास्त
टॉप लोड मशीन कपड्यांना थोडे जोरात धुते. यात पाणी आणि विजेचा वापर जास्त होतो. कपडे धुतल्यानंतर ओले राहतात, त्यामुळे ते सुकण्यासाठी जास्त वेळ लागतो.
कोणती निवडावी?
जर तुम्ही अपार्टमेंटमध्ये राहत असाल आणि पाण्याची बचत करून आवाज कमी करायचा असेल, तर फ्रंट लोडर उत्तम आहे. तुमचे बजेट मर्यादित असेल, तर टॉप लोडर योग्य पर्याय आहे. मशीन कोणतीही असो, तिचे आयुष्य ती कशी वापरली जाते यावर अवलंबून असते. तुमच्या कुटुंबाच्या गरजा आणि बजेटनुसार योग्य निर्णय घ्या.
