Kids Health Care in Summer : उन्हाळ्यात मुलांच्या अंगावर रॅशेस, घामोळ्या किंवा लाल पुरळ आले तर घाबरू नका. थंड पाणी, कोरफड, नारळाचं तेल आणि सुती कपड्यांसारख्या सोप्या घरगुती उपायांनी त्यांना लगेच आराम मिळेल.
Kids Health Care in Summer : उन्हाळा चांगलाच तापलाय. अशावेळी लहान मुलांपासून मोठ्यांपर्यंत सगळ्यांनाच आरोग्याच्या काही ना काही तक्रारी सुरू होतात. लहान मुलं तर उन्हात खेळतात आणि स्वतःची काळजीही घेत नाहीत. त्यामुळे त्यांच्या अंगावर घामोळ्या किंवा रॅशेस येणं ही खूप सामान्य गोष्ट आहे. जर तुमच्या मुलाच्या त्वचेवरही उष्णतेमुळे खाज किंवा घामोळ्या आल्या असतील, तर तुम्ही काही सोपे उपाय करू शकता. जर पुरळ किंवा घामोळ्या कमी असतील, तर घरगुती उपायांनी त्या बऱ्या होऊ शकतात. चला, जाणून घेऊया काय आहेत हे सोपे उपाय.
थंड पाण्याने त्वचा स्वच्छ करा
दिवसातून एकदा किंवा दोनदा मुलाची त्वचा साध्या पाण्याने स्वच्छ करा. पाणी गरम नसावं, कारण गरम पाण्यामुळे खाज आणखी वाढू शकते. तुम्ही हवं तर पाण्यात सुथॉल (Suthol) किंवा डेटॉलचे (Dettol) एक-दोन थेंब टाकू शकता.
कोरफडीच्या जेलने मिळेल थंडावा
कोरफड म्हणजे गुणांची खाण आहे. तुमच्या घरी कोरफडीचं रोप असेल, तर ताज्या पानांमधून गर काढून मुलांच्या त्वचेवर लावा. कोरफडीच्या पानांमुळे त्वचेला थंडावा मिळतो आणि लालसरपणा कमी होतो.
Related Articles
नारळाच्या तेलाचा वापर करा
हलकं व्हर्जिन नारळ तेल लावल्याने त्वचेचा कोरडेपणा तर कमी होतोच, पण खाजेची समस्याही दूर होते. तुम्ही थोडंसं तेल हातावर घेऊन रॅशेस किंवा घामोळ्या आलेल्या ठिकाणी लावू शकता.
अधिक वाचा: २० ते ४० वयोगटात नाईट स्किनकेअर रुटीन कसं बदलतं? जाणून घ्या अँटी-एजिंग सीक्रेट्स
कॅलामाइन लोशनने खाज कमी होईल
जर घामोळ्यांना जास्त खाज येत असेल, तर त्या जागी कॅलामाइन लोशन लावल्यास आराम मिळतो. उन्हाळ्यातील रॅशेससाठी हा एक उत्तम उपाय मानला जातो.
सैल कपडे घाला
जर मुलांना घामोळ्यांचा त्रास होत असेल, तर त्यांना फक्त सुती (कॉटन) कपडेच घाला. कारण सुती कपडे घाम चांगला शोषून घेतात आणि त्वचेला आराम मिळतो. जर मुलाला खूप घाम येत असेल, तर त्याला जास्त वेळ उन्हात जाऊ देऊ नका. घरात हवा खेळती राहील याची काळजी घ्या, जेणेकरून घरात थंडावा टिकून राहील.
अधिक वाचा: Ebola Outbreak: आफ्रिकेत इबोलाचा कहर, ८८ लोकांचा मृत्यू-WHO ने केली आरोग्य आणीबाणी घोषित
