- Home
- lifestyle
- Bathroom Cleaning Tips : 10 मिनिटांची जादू, बाथरुमच्या टाईल्सवरील डाग काढण्याच्या भन्नाट टिप्स
Bathroom Cleaning Tips : 10 मिनिटांची जादू, बाथरुमच्या टाईल्सवरील डाग काढण्याच्या भन्नाट टिप्स
बाथरुम आणि किचनच्या टाईल्सवरील हट्टी डाग तुम्ही घरातील वस्तू वापरून सहज काढू शकता. या सोप्या आणि प्रभावी टिप्स.
डाग कसे काढाल?
घराचं सौंदर्य वाढवण्यात बाथरुम आणि किचनच्या चकचकीत टाईल्सचा मोठा वाटा असतो. पण साबणाचे डाग, तेलकटपणा आणि पाण्याचे डाग यामुळे त्यांची चमक कमी होते. बाजारातील महागडे केमिकल्स आणण्यापेक्षा तुम्ही घरातील बेकिंग सोडा आणि व्हिनेगर वापरून अवघ्या १० ते १५ मिनिटांत हे डाग सहज काढू शकता.
बेकिंग सोडा, व्हिनेगर
सामान्य डाग काढण्यासाठी तुम्ही टाईल्सवर बेकिंग सोडा शिंपडा आणि त्यावर व्हाईट व्हिनेगर स्प्रे करा. १५ मिनिटांनंतर जुन्या ब्रशने किंवा मऊ स्क्रबरने घासून टाईल्स स्वच्छ करा. खूप जुन्या आणि हट्टी डागांसाठी खडे मीठ, लिंबाचा रस, थोडी वॉशिंग पावडर, बेकिंग सोडा आणि व्हिनेगरची पेस्ट बनवा. ही पेस्ट डागांवर लावून १० मिनिटे ठेवा आणि नंतर धुवून काढा. कोणताही नवीन उपाय करण्यापूर्वी टाईल्सच्या एका कोपऱ्यात तो तपासून पाहा. किचनमध्ये उडणारे तेलाचे डाग कोमट पाणी आणि डिश सोपने लगेच पुसून घेतल्यास चिकटपणा साचत नाही.
भिंती स्वच्छ धुवा
फक्त वरचा पृष्ठभाग स्वच्छ करून चालणार नाही, तर टाईल्सच्या मधील फटी देखील स्वच्छ करणे गरजेचे आहे. तिथे बेकिंग सोडा आणि पाण्याची घट्ट पेस्ट लावून १० मिनिटांनी ब्रशने घासा. सिमेंटच्या फटींवर वारंवार व्हिनेगर वापरणे टाळा. टाईल्स धुतल्यानंतर पाण्याचे डाग राहू नयेत म्हणून मायक्रोफायबर कापडाने त्या कोरड्या करा. काळ्या टाईल्सवर पाण्याचे पांढरे डाग लगेच दिसतात. आंघोळीनंतर भिंतीवरील पाणी कोरड्या कापडाने पुसण्याची सवय ठेवा. मॅट फिनिश टाईल्सवरील धूळ आधी कोरड्या कापडाने झटकून घ्या आणि नंतर कोमट साबणाच्या पाण्याने पुसा.
इंटरनेटवरील सर्वच टीप्स वापरू नका
टाईल्स चमकवण्यासाठी खोबरेल तेल लावण्याच्या इंटरनेटवरील टिप्सवर अजिबात विश्वास ठेवू नका. यामुळे पाय घसरून मोठा अपघात होऊ शकतो. नेहमी कंपनीने सुचवलेले पॉलिशच वापरा. लहान ओरखडे पॉलिशने लपवता येतात, पण तुटलेल्या टाईल्स बदलणे हाच एकमेव पर्याय आहे. तसेच, अमोनियासारख्या कडक रसायनांमध्ये ब्लीचिंग पावडर कधीही मिसळू नका. यातून जीवघेणा विषारी वायू तयार होतो. नैसर्गिक दगडांच्या फरशीवर ॲसिडिक व्हिनेगर वापरल्यास पृष्ठभाग खराब होऊ शकतो.
