Nirjala Ekadashi 2026: ज्येष्ठ महिन्यात निर्जला एकादशीचं व्रत केलं जातं. या एकादशीचं महत्त्व इतर सर्व एकादशींपेक्षा जास्त आहे. हे व्रत इतकं कठीण असतं की यात पाणी पिण्याचीही परवानगी नसते.
Nirjala Ekadashi Facts: हिंदू धर्मात एकादशी तिथीला खूप महत्त्व आहे. या तिथीशी संबंधित अनेक श्रद्धा आणि परंपरा आहेत, ज्यामुळे ती अधिक खास बनते. धर्मग्रंथानुसार, ज्येष्ठ महिन्याच्या शुक्ल पक्षातील एकादशीला निर्जला एकादशी म्हणतात. यावर्षी ही एकादशी २५ जून, गुरुवारी आहे. या व्रतामध्ये भाविक अन्न आणि पाण्याशिवाय उपवास करून भगवान विष्णूची पूजा करतात. निर्जला एकादशीबद्दल लोकांच्या मनात नेहमी एक प्रश्न असतो की, या दिवशी तुळशीच्या रोपाला पाणी द्यावे की नाही? उज्जैनचे ज्योतिषाचार्य पं. प्रवीण द्विवेदी यांच्याकडून या प्रश्नाचे उत्तर जाणून घेऊया…
निर्जला एकादशीला तुळशीला पाणी घालू शकतो का?
ज्योतिषाचार्य पं. द्विवेदी शर्मा यांच्या मते, एकादशी तिथी भगवान विष्णूंना प्रिय मानली जाते आणि तुळशीमाता देखील भगवान विष्णूंना अत्यंत प्रिय आहे. धार्मिक मान्यतेनुसार एकादशीच्या दिवशी तुळशीची पाने तोडू नयेत. त्याचप्रमाणे, अनेक परंपरांमध्ये या दिवशी तुळशीच्या रोपाला पाणी घालणे देखील टाळले जाते. असं मानलं जातं की एकादशीच्या दिवशी तुळशीमाता स्वतः भगवान विष्णूंसाठी व्रत करते, त्यामुळे या दिवशी तिला पाणी अर्पण करू नये.
हे देखील वाचा-
Hindu Belief: दाराच्या चौकटीवर का बसू नये? जाणून घ्या यामागचं खास कारण
तुळशीला पाणी कधी घालावे?
धार्मिक मान्यतेनुसार, एकादशीच्या दुसऱ्या दिवशी म्हणजेच द्वादशी तिथीला (२६ जून, शुक्रवार) तुळशीमातेला पाणी अर्पण करणे शुभ मानले जाते. या दिवशी तुळशीची विधीवत पूजा करून पाणी अर्पण केल्याने पुण्य फळ मिळते आणि भगवान विष्णूची कृपा राहते.
एकादशीला तुळशीची पाने तोडू शकतो का?
एकादशी तिथीला तुळशीची पाने तोडणे महापाप मानले जाते. जर तुम्हाला एखाद्या विशेष कामासाठी तुळशीची पाने हवी असतील, तर ती एक दिवस आधी म्हणजेच दशमी तिथीलाच तोडून ठेवा आणि त्यांचा वापर करा. तुळशीच्या पानांचा वापर एकापेक्षा जास्त वेळाही करता येतो, असे धर्मग्रंथात लिहिले आहे.
Disclaimer (अस्वीकरण)
या लेखात दिलेली माहिती ज्योतिषांनी सांगितलेल्या माहितीवर आधारित आहे. आम्ही फक्त ही माहिती तुमच्यापर्यंत पोहोचवण्याचे एक माध्यम आहोत. वाचकांनी या माहितीला केवळ सूचना म्हणूनच विचारात घ्यावे.
