Raksha Bandhan 2025 : पीरियड्स सुरु असताना राखी बांधता येते का? जाणून घ्या
हिंदू धर्मात प्रत्येक काम शुभ मुहूर्तावर केलं जातं. पीरियड्स बाबतही काही नियम आहेत. ते रक्षाबंधनाला लागू होतात का, ते जाणून घ्या. घराला सूतक लागले असेल तर काय? रक्षाबंधन सणाला बहिणीला पीरियड्स असतील तर राखी बांधता येते का? जाणून घेऊया.
धर्मग्रंथात कोणते नियम आहेत?
श्रावण महिन्यातील पौर्णिमेला रक्षाबंधन साजरा केला जातो. हा सण चंद्र आणि गुरु ग्रहांच्या प्रभावाखाली येतो. या दिवशी शुभ कार्यासाठी मुहूर्त पाहिला जातो आणि शुद्धतेला महत्त्व दिलं जातं. या निमित्ताने बहिणीने कोणत्या परिस्थितीत भावांना राखी बांधू नये हे जाणून घेऊया. विशेषतः पीरियड्स आणि सूतक याबाबत महिलांमध्ये असलेल्या संभ्रमाबाबत आपल्या धर्मग्रंथात कोणते नियम आहेत ते पाहूया.
पीरियड्समध्ये शरीर अशुद्ध
हिंदू धर्म आणि ज्योतिषशास्त्रात, मासिक पाळी ही एक नैसर्गिक प्रक्रिया मानली जाते, परंतु काही परंपरांमध्ये तिला अशुद्ध मानलं जातं. या काळात, महिलांना मंदिरात जाणे, पूजा करणे किंवा पवित्र विधी करण्यास मनाई आहे, कारण यावेळी त्यांचे शरीर नैसर्गिक शुद्धीकरण प्रक्रियेतून जात असते अशी मान्यता आहे.
पवित्र विधींमध्ये उपस्थिती योग्य नाही
ज्योतिषशास्त्रात, मासिक पाळीचा संबंध चंद्राशी जोडला जातो, कारण ती नैसर्गिकरित्या शरीर शुद्ध करते. काही ज्योतिषींचे म्हणणे आहे की मासिक पाळीच्या वेळी महिलेची ऊर्जा वेगळ्या पद्धतीने कार्य करते, ज्यामुळे पवित्र विधींमध्ये तिची उपस्थिती योग्य मानली जात नाही.
देवाच्या मूर्ती आणि पवित्र वनस्पतींना स्पर्श करू नये
ज्योतिषशास्त्रात, कर्म आणि हेतू खूप महत्त्वाचे आहेत. जर एखादी बहीण मनापासून भावांना राखी बांधत असेल तर ते शुभ मानले जाते. पीरियड्स असतानाही ती भावांना रक्षा सूत्र बांधू शकते. यावेळी तिने देवाच्या मूर्ती आणि पवित्र वनस्पतींना स्पर्श करू नये एवढेच.
सूतक काळात रक्षाबंधन नाही
रक्षाबंधनाच्या दिवशी किंवा त्याआधी जर एखाद्या व्यक्तीचा मृत्यू झाला तर त्याला सूतक काळ म्हणतात. अशा परिस्थितीत रक्षाबंधन साजरा करू नये. हिंदू मान्यतेनुसार, त्या घरात बाळ किंवा गाईला वासरू होईपर्यंत हा सण साजरा केला जात नाही.
भद्रा काळ
हिंदू धर्मात भद्रा काळ अशुभ मानला जातो. ज्योतिषशास्त्रानुसार, या काळात होळी आणि रक्षाबंधन साजरा केला जात नाही आणि इतर कोणतेही शुभ कार्य केले जात नाही.
हा आहे शुभ मुहूर्त
ज्योतिषशास्त्रानुसार, या वर्षी पौर्णिमा ०९ ऑगस्ट २०२५ रोजी शनिवारी दुपारी १:२५ वाजेपर्यंत आहे. या वेळेत तुम्ही भावांना राखी बांधू शकता. हा शुभ मुहूर्त आहे.
