Dizziness Causes : तुम्हालाही सतत चक्कर येतेय? ही 6 कारणं अजिबात दुर्लक्षित करू नका
आपण अनेकदा चक्कर येण्याकडे दुर्लक्ष करतो. पण अनेक गंभीर किंवा सामान्य कारणांमुळे चक्कर येऊ शकते. तज्ज्ञ सांगतात की, चक्कर येणे हे काही मोठ्या आजारांचे प्रमुख लक्षण असू शकते.
सतत चक्कर येण्यामागे काय कारण आहे?
आपण अनेकदा चक्कर येण्याकडे दुर्लक्ष करतो. पण अनेक गंभीर किंवा सामान्य कारणांमुळे चक्कर येऊ शकते. तज्ज्ञ सांगतात की, चक्कर येणे हे काही मोठ्या आजारांचे प्रमुख लक्षण असू शकते. वारंवार चक्कर येण्यामागे नेमकी कोणती कारणे आहेत?
व्हर्टिगो
प्रत्येक व्यक्तीला चक्कर येण्याचा त्रास वेगवेगळ्या प्रकारे जाणवतो. काहींना अचानक अशक्तपणा येतो किंवा बेशुद्ध पडल्यासारखे वाटते. तर काहींना आजूबाजूचे सर्व काही फिरत असल्याचा भास (व्हर्टिगो) होतो. व्हर्टिगोमुळे मळमळ, उलट्या, शरीराचा तोल जाणे आणि चालताना त्रास होणे अशा समस्या उद्भवतात.
'ऑर्थोस्टॅटिक हायपोटेन्शन'
तुम्ही बसलेल्या किंवा झोपलेल्या स्थितीतून अचानक उठलात, तर डोळ्यांसमोर अंधारी येऊ शकते. याला 'ऑर्थोस्टॅटिक हायपोटेन्शन' म्हणतात. यामध्ये रक्तदाब अचानक कमी होतो आणि मेंदूकडे जाणारा रक्तप्रवाह काही काळासाठी खंडित होतो.
लक्षणं काय?
मधुमेहाची औषधे घेणाऱ्यांनी किंवा जेवण टाळणाऱ्यांनी रक्तातील साखरेची पातळी कमी झाल्यास चक्कर येण्याचा अनुभव घेतला असेल. यामुळे डोके हलके झाल्यासारखे वाटते. हात थरथरणे, घाम येणे, कडकडीत भूक लागणे, अचानक थकवा येणे, अस्वस्थता आणि लक्ष केंद्रित न होणे ही याची इतर लक्षणे आहेत.
मायग्रेनमुळेही चक्कर?
ॲनिमिया रक्तातील ऑक्सिजन वाहून नेण्याची क्षमता कमी करतो. यामुळे सतत थकवा, अशक्तपणा, डोकेदुखी आणि वारंवार चक्कर येते. मायग्रेनमुळेही चक्कर (व्हर्टिगो) येऊ शकते. त्यामुळे नेमके कारण शोधण्यासाठी रक्ताची तपासणी करणे खूप गरजेचे आहे.
अधिक त्रास होत असल्यास डॉक्टरांना भेटा
चक्कर येण्यासोबतच बोलताना अडखळणे, अचानक दृष्टी बदलणे, दोन-दोन गोष्टी दिसणे, चेहरा किंवा हात-पायांना मुंग्या येणे, चालताना खूप त्रास होणे, बेशुद्ध पडणे किंवा भयंकर डोकेदुखी जाणवत असेल, तर अजिबात वेळ न घालवता लगेच डॉक्टरांना भेटा.
योग्य आहार, पाणी पिणं गरजेचं आहे
कधीतरी चक्कर येत असेल, तर भरपूर पाणी पिऊन आणि योग्य आहार घेऊन तुम्ही ही समस्या सोडवू शकता. पण जर तुम्हाला वारंवार आणि खूप जास्त चक्कर येत असेल, तर मात्र वैद्यकीय तपासणी करणे अत्यंत आवश्यक आहे.
