उन्हाळ्यात तुमच्या बागेला थंड आणि सुंदर लुक द्यायचा आहे? मग हा DIY बांबू फाउंटन नक्की बनवा. हे मिनी बांबू कारंजे बनवण्याची सोपी पद्धत, लागणारं साहित्य आणि डेकोरेशन टिप्स जाणून घ्या, ज्यामुळे तुमची बाग जपानी गार्डनसारखी शांत आणि आकर्षक दिसेल.
तुमच्या घरी मोठी बाग आहे, पण ती सजवलेली नसल्यामुळे थोडी अपूर्ण वाटते का? उन्हाळ्याच्या संध्याकाळी जर तुम्हाला रिलॅक्स व्हायचं असेल, तर तुम्ही बांबूचं कारंजं अगदी सहज बनवू शकता. पाण्याचा मंद आवाज उन्हाळ्यात संध्याकाळ अधिक सुखद बनवेल आणि कमी खर्चात तुम्ही घरच्या घरी एक सुंदर वॉटर फाउंटन तयार करू शकता. चला तर मग, जाणून घेऊया घरी बांबूचं कारंजं कसं बनवायचं.
मिनी बांबू कारंजे बनवण्यासाठी लागणारे साहित्य
- 3 ते 5 बांबूच्या काठ्या
- छोटा सबमर्सिबल वॉटर पंप
- मोठा सिमेंट, माती किंवा प्लास्टिकचा टब
- छोटे सजावटी दगड
- पाईप
- ग्लू गन किंवा मजबूत दोरी
- छोटी रोपं किंवा मॉस (शेवाळ)
- स्वच्छ पाणी
कारंज्याचा बेस तयार करा
बागेत बांबूचं कारंजं बनवण्यासाठी सगळ्यात आधी माती, सिमेंट किंवा प्लास्टिकचा एक मोठा टब घ्या. जर तुम्ही माती किंवा सिमेंटचं भांडं घेतलं, तर ते दिसायला खूपच सुंदर वाटेल. आता त्यात पाणी भरा. तुम्हाला कारंजं अधिक आकर्षक बनवायचं असेल, तर तुम्ही त्यात रंगीबेरंगी गोट्याही टाकू शकता. आता बाजारातून आणलेला छोटा सबमर्सिबल वॉटर पंप त्यात लावा. हा पंपच पाणी खालून वर आणायला मदत करेल.
बांबूची कापणी आणि जोडणी
दुसऱ्या टप्प्यात, तुम्हाला वेगवेगळ्या आकाराचे बांबू कापायचे आहेत, जेणेकरून एक बांबू दुसऱ्याला जोडता येईल. बांबू अशा प्रकारे जोडा की पाणी आतून येऊन पुन्हा खाली पडेल. हे जोडण्यासाठी तुम्ही ग्लू किंवा दोरीची मदत घेऊ शकता. वरच्या बांबूत एक छोटा कट करा, म्हणजे पाणी सहजपणे पुढे जाईल. तुम्हाला जपानी स्टाईल लुक हवा असेल, तर तुम्ही दोन-तीन लेअर्सही बनवू शकता.
पंप आणि पाईपचं कनेक्शन
बांबूला पंपाच्या मदतीने पाईपचं कनेक्शन द्या. असं केल्याने पाणी वाहताना दिसेल. आता पाईप मागच्या बाजूला लपवून ठेवा, म्हणजे कारंजं जास्त सुंदर दिसेल. पंप चालू केल्यावर पाणी वरून खाली बांबूमधून वाहू लागेल. यामुळे तुम्हाला एक मिनी वॉटरफॉलसारखा लुक मिळेल.
लाईट्स आणि छोट्या रोपांनी करा सजावट
कारंजं तयार झाल्यावर त्याला अधिक आकर्षक लुक देण्यासाठी तुम्ही छोटी रोपंही लावू शकता. फेयरी लाईट्स, खडे इत्यादींच्या मदतीने एक सुंदर कारंजं तयार करा. रात्रीच्या वेळी पडणारं पाणी आणि जळणारे दिवे तुमच्या बागेला एक वेगळाच आणि सुंदर लुक देतील.
