Delhi Man Performs Stunts on Moving Car : ट्रॅफिक सिग्नलवर गाडी थांबलेली असताना एक तरुण खिडकीतून तरुणीला किस करतानाही व्हिडिओमध्ये दिसत आहे.
Delhi Man Performs Stunts on Moving Car : दिल्लीतील साकेत जे ब्लॉकमधील एक धक्कादायक व्हिडिओ सध्या सोशल मीडियावर लोकांचे लक्ष वेधून घेत आहे. गर्दीच्या रस्त्यावर चालत्या कारच्या छतावर बसून एक तरुण धोकादायक स्टंट करताना व्हिडिओमध्ये दिसत आहे. जवळून जाणाऱ्या दुसऱ्या वाहनातून हा व्हिडिओ शूट करण्यात आला आहे. व्हिडिओमध्ये, धोका असूनही तरुण त्याकडे दुर्लक्ष करून कारच्या छतावर बसलेला दिसतो.
ट्रॅफिक सिग्नलवर गाडी थांबलेली असताना तो तरुण खिडकीतून एका तरुणीला किस करताना दिसतो. इतकेच नाही, तर तो आजूबाजूच्या लोकांना पाहून हातही हलवत आहे. ती तरुणी पुन्हा खिडकीतून डोके बाहेर काढते आणि तो तरुण तिला पुन्हा किस करतो, असेही व्हिडिओमध्ये दिसते.
Related Articles
व्हिडिओ शूट करणारी व्यक्ती म्हणते, ''हा असा मेला तर कोणाला वाईट वाटेल का? त्याचे आई-वडील रडत म्हणतील, 'आमच्या सोनूचे लग्नही झाले नव्हते.' सोनू इथे मूर्खपणा करत फिरत आहे आणि त्याचे आई-वडील ते पाहत नाहीत. हे काय चालले आहे. आम्हाला असे स्वातंत्र्य नाही. मी 30 वर्षांचा आहे, पण रात्री 8 वाजता घरी पोहोचलो नाही, तर मी कुठे आहे हे विचारण्यासाठी मला फोन येतो. आयुष्यात नेहमी प्रॅक्टिकल रहा. त्याचे वय जास्त नाही, कदाचित 20-21 वर्षे असेल. तो मेला तर त्याचे कुटुंब रडत बसेल. तो खाली पडेल अशी मला आशा आहे.''
अनेक लोकांनी या व्हिडिओवर कमेंट्स केल्या आहेत. अशा कृत्यांवर पोलिसांनी कठोर कारवाई करावी, असे मत अनेकांनी व्यक्त केले आहे. नंतर, पोलिसांनी हा व्हिडिओ शेअर करून तरुणावर कारवाई करण्यात आल्याचे सांगितले.
