Air Purifying Plants : हवा शुद्ध करणारी 5 इनडोअर झाडं
इनडोअर झाडं घरात हिरवळ आणण्यासोबतच प्रदूषणाशी लढायलाही मदत करतात. स्नेक प्लांटपासून रबर प्लांटपर्यंत, घर सुंदर आणि हवा शुद्ध ठेवणारी ही 5 झाडं नक्की लावा.

डेव्हिल्स आयव्ही (मनी प्लांट)
डेव्हिल्स आयव्ही किंवा गोल्डन पोथोस घरात लावण्यासाठी खूप लोकप्रिय आहे. याची पसरणारी वेल कपाटावर किंवा कोपऱ्यात छान दिसते. घरातील सामान्य विषारी घटक कमी करण्यासाठी हे झाड ओळखलं जातं.

बांबू पाम
बांबू पाममुळे घराला एक वेगळाच लुक मिळतो. बेंझिन, फॉर्मल्डिहाइड, ट्रायक्लोरोएथिलीन, झायलिन आणि टोल्युएनसारखे प्रदूषक हे झाड कमी करतं असं मानलं जातं. याची दाट पानं घराच्या सजावटीसाठी उत्तम आहेत.
स्नेक प्लांट
स्नेक प्लांट त्याच्या सरळ, तलवारीसारख्या पानांसाठी ओळखला जातो. या झाडाची जास्त काळजी घ्यावी लागत नाही. हवेतील काही प्रदूषक खेचून घेण्याची याची क्षमता अभ्यासात दिसून आली आहे. बेडरूम, लिव्हिंग रूम आणि ऑफिससाठी हे झाड उत्तम आहे.
रबर प्लांट
रबर प्लांट त्याच्या मोठ्या आणि चमकदार पानांमुळे घरात लक्ष वेधून घेतं. याची पानं हवेतील काही रसायने शोषून घेण्यासाठी ओळखली जातात. हे सुंदर झाड घराच्या रिकाम्या कोपऱ्यात नक्कीच छान दिसेल.
चायनीज एव्हरग्रीन
चायनीज एव्हरग्रीन त्याच्या डिझाईन असलेल्या पानांसाठी प्रसिद्ध आहे. हे झाड घरात सहज वाढतं. फॉर्मल्डिहाइड आणि झायलिनसारखे प्रदूषक हे झाड कमी करतं. याची सुंदर पानं घराच्या कोपऱ्यात छान दिसतात.
