Foliage Plants : फुलझाडे नव्हे तर पानांनी सजवा बाल्कनी, घरी लावण्यासाठी 5 खास रोपं
Foliage Plants : बाल्कनी सुंदर आणि रंगीबेरंगी बनवण्यासाठी गुलाबी, लाल आणि जांभळ्या पानांची झाडं लावा. कॅलॅडियम, कोलियस, रेड ॲग्लोनेमा आणि पर्पल हार्ट यांसारखी झाडं कमी देखभालीत बाल्कनीला आकर्षक लुक देतात.
कॅलॅडियम प्लांट
गुलाबी, हिरवा, पांढरा आणि लाल रंगांच्या कॉम्बिनेशनमुळे कॅलॅडियम प्लांट खूप सुंदर दिसतं. त्याची गुलाबी-हिरवी पानं फुलांसारखीच सुंदर दिसतात. हे रंगीबेरंगी झाड बाल्कनीमध्ये खूप आकर्षक दिसेल. तसेच, हलक्या उन्हात ते चांगलं वाढतं. तुम्ही हे झाड काही काळासाठी इनडोअर प्लांट म्हणून घरातही वापरू शकता.
कोलियस प्लांट
जांभळा, गुलाबी, मरून, हिरवा अशा विविध रंगांची पानं असलेले कोलियस प्लांट खूप आकर्षक असतात. तुम्ही बाल्कनीमध्ये अशी झाडं सहज लावू शकता. तुमच्या आवडीचा रंग निवडा आणि बाल्कनी रंगीबेरंगी बनवा. कमी देखभालीचं हे झाड हँगिंग पॉट किंवा स्टँड दोन्हीमध्ये सुंदर दिसतं.
रेड ॲग्लोनेमा
लाल आणि गडद हिरव्या रंगाची पानं असलेलं रेड ॲग्लोनेमा असं झाड आहे, ज्याच्या पानांवरून नजर हटत नाही. इनडोअर आणि बाल्कनी दोन्हीसाठी हे एक परफेक्ट झाड आहे आणि कमी उन्हातही चांगलं वाढतं.
पर्पल हार्ट प्लांट
जर तुम्हाला गडद जांभळ्या रंगाची पानं आवडत असतील, तर तुम्ही पर्पल हार्ट प्लांट लावायला हवं. अशी झाडं बाल्कनीच्या रेलिंगवर किंवा हँगिंग पॉटमध्ये खूप छान दिसतात. उन्हामुळे याचा रंग आणखी गडद होतो. हे झाड तुम्ही कोणत्याही ऋतूत लावू शकता.
अल्टरनॅन्थेरा
अल्टरनॅन्थेराची पानं लाल, गुलाबी आणि जांभळ्या रंगाची असतात. छोट्या कुंड्यांमध्ये सजवण्यासाठी हे झाड उत्तम आहे. या झाडाला ऊन आवडतं, त्यामुळे त्याला ४ ते ५ तास उन्हात नक्की ठेवा.
