Dosa Capital : आपल्या देशात डोशाचीही राजधानी आहे? हे शहर कोणतं? नक्की वाचा
Dosa Capital: आपण रोज घरी किंवा हॉटेलमध्ये आवडीने खातो त्या डोशाचीही एखादी राजधानी असू शकते का? भारतातल्या कोणत्या शहराला 'डोशाची राजधानी' म्हणतात? हे शहर डोशासाठी एवढं फेमस का आहे?
डोसा कोणत्या शहरात फेमस आहे?
दक्षिण भारतातल्या कोणत्याही छोट्या हॉटेलमध्ये गेलात तरी तुम्हाला मस्त टेस्टी डोसा सहज मिळतो. आपण घरी नेहमी डोसा बनवतो, तरीही हॉटेलमध्ये गेल्यावर अनेक जण आवडीने डोसाच ऑर्डर करतात. पेपर डोशापासून ते मसाला डोशापर्यंत यात अनेक प्रकार आहेत. खोबऱ्याची चटणी, तिखट पोडी, टोमॅटो चटणी आणि सांबारसोबत डोसा खाण्याची मज्जाच वेगळी असते. आता डोसा फक्त साऊथ इंडियातच नाही, तर देशभरात कुठेही मिळतो. पण या डोशासाठी एक खास राजधानी आहे, हे तुम्हाला माहितीये का? ती राजधानी दुसरी कोणतीही नसून 'बंगळुरू' आहे.
बंगळुरू डोशासाठी एवढं फेमस का आहे?
कर्नाटकची राजधानी बंगळुरू म्हटलं की आपल्याला आयटी कंपन्या, छान हवामान आणि कॅफे आठवतात. पण खवय्यांना मात्र बंगळुरू म्हटलं की सर्वात आधी डोसा आठवतो.
या शहरातल्या जुन्या शाकाहारी हॉटेल्सपासून ते गर्दीच्या टिफिन सेंटर्सपर्यंत सगळीकडे डोशाला एक खास स्थान आहे. सकाळी ऑफिसला जाण्यापूर्वी डोसा खाण्यापासून ते संध्याकाळी मित्रांसोबत टिफिन सेंटरवर डोसा ऑर्डर करण्यापर्यंत, डोसा हा बंगळुरूच्या फूड कल्चरचा एक महत्त्वाचा भाग बनला आहे.
बंगळुरूत मिळणारे डोशाचे प्रकार...
बंगळुरूत डोसा खायचा असेल तर तुम्हाला एकाच प्रकारावर थांबावं लागणार नाही. तुमच्या आवडीनुसार इथे अनेक प्रकार मिळतात.
क्रिस्पी पेपर डोसा, मसाला डोसा, सेट डोसा, बेन्ने डोसा, रवा डोसा, अनियन डोसा, चीज डोसा आणि पोडी डोसा.
पारंपारिक चव आवडणाऱ्यांसोबतच नवीन फ्लेवर्स ट्राय करणाऱ्यांसाठीही बंगळुरूत डोशाचे भरपूर ऑप्शन्स उपलब्ध आहेत.
Related Articles
बंगळुरूच्या डोशाची खासियत काय?
बंगळुरूत डोसा हा फक्त नाश्ता नसून अनेकांसाठी ती एक इमोशन आहे. कर्नाटकच्या टिफिन संस्कृतीत डोशाला एक वेगळंच महत्त्व आहे. साध्या पदार्थांपासून बनत असला तरी, योग्य फरमेंटेशन, लोणी, तूप, चटण्या आणि सांबार यामुळे डोशाची चव कैकपटीने वाढते.
बंगळुरू स्टाईल डोशाची काही खास वैशिष्ट्ये:
लोणी आणि तुपाचा सढळ हाताने वापर, उत्तम फरमेंट झालेलं पीठ, बाहेरून क्रिस्पी आणि आतून मऊ टेक्स्चर, चविष्ट आलू मसाला आणि खास चटण्या व सांबार.
यामध्ये 'बेन्ने डोसा' खूपच स्पेशल आहे. कन्नड भाषेत 'बेन्ने' म्हणजे लोणी. नावाप्रमाणेच या डोशात भरपूर लोणी वापरलं जातं. बाहेरून कुरकुरीत आणि आतून मऊ असलेला हा डोसा कर्नाटकच्या खाद्यसंस्कृतीत आपली वेगळी ओळख राखून आहे.
बंगळुरूत गेल्यावर नक्की ट्राय करा हे डोसे:
मसाला डोसा - पातळ आणि क्रिस्पी डोशात स्पायसी आलू मसाला भरून दिला जातो. चटणी आणि सांबारसोबत याची चव भन्नाट लागते.
बेन्ने डोसा - लोण्याने बनवला जाणारा हा कर्नाटकचा स्पेशल डोसा आहे. हा नेहमीच्या डोशापेक्षा जास्त रिच आणि वेगळ्या चवीचा असतो.
सेट डोसा - आकाराने छोटे आणि मऊ असलेले हे डोसे साधारणपणे तीनच्या सेटमध्ये सर्व्ह केले जातात. यासोबत व्हेजिटेबल सागू दिला जातो.
रवा डोसा - रव्यापासून बनवला जाणारा हा डोसा अतिशय पातळ आणि क्रिस्पी असतो. मसाल्याच्या फ्लेव्हरमुळे याला मस्त टेस्ट येते.
पोडी डोसा - डोशावर तिखट पोडी (मसाला) भुरभुरून तो तूप किंवा लोण्यात भाजला जातो. स्पायसी फूड आवडणाऱ्यांसाठी हा एक उत्तम पर्याय आहे.
