इन्स्टाग्रामवर गुंजा सोनी या युझरने शेअर केलेला एक व्हिडीओ सध्या सोशल मीडियावर धुमाकूळ घालतोय. यात एक बहीण चक्क आपल्या लहान भावाच्या टक्कलवर पोळी लाटताना दिसतेय.
गुंजा सोनी या इन्स्टाग्राम युझरने शेअर केलेला एक भन्नाट व्हिडीओ सध्या इंटरनेटवर चांगलाच व्हायरल होत आहे. या व्हिडीओमध्ये एक बहीण आपल्या लहान भावाच्या टक्कल पडलेल्या डोक्याचा वापर चक्क पोळपाट म्हणून करताना दिसतेय. २२ सप्टेंबर २०२६ रोजी हा व्हिडीओ पोस्ट करण्यात आला होता आणि बघता बघता तो तुफान व्हायरल झाला. अवघ्या एका दिवसात या व्हिडीओला २ लाख ३ हजार ७०० (203.7K) लाईक्स मिळाले असून, १६६५ लोकांनी यावर भन्नाट कमेंट्स केल्या आहेत.
या व्हिडीओला "#beti mere badmash bachhe" (माझी खोडकर मुलं) असं मजेशीर कॅप्शन देण्यात आलं आहे. बहीण-भावाच्या नात्यातील ही गोड आणि खोडकर केमिस्ट्री लोकांना खूप आवडत आहे. घरात घडलेला हा साधासा प्रसंग एका वेगळ्याच अंदाजात समोर आल्याने सोशल मीडियावर सध्या याच व्हिडीओची जोरदार चर्चा आहे.
भावाच्या टक्कलवर लाटली पोळी!
या रीलमध्ये बहीण अगदी मजेत पोळी लाटताना दिसतेय, पण त्यासाठी तिने पोळपाटाऐवजी आपल्या लहान भावाच्या टक्कलचा वापर केलाय. विशेष म्हणजे, बहीण डोक्यावर पोळी लाटत असताना भाऊ अगदी शांतपणे बसून राहिलाय. त्याची ही शांत प्रतिक्रिया या व्हिडीओची रंगत आणखी वाढवते. या व्हिडीओमधील निरागसपणा आणि भन्नाट कल्पकता नेटकऱ्यांना खळखळून हसवत आहे. रोजच्या कामात भावंडांची अशी मस्ती मिसळली की साधे क्षणही कसे व्हायरल होतात, याचं हे उत्तम उदाहरण आहे.
येथे पाहा व्हायरल व्हिडीओ!
नेटकऱ्यांच्या भन्नाट प्रतिक्रिया
हा मजेशीर व्हिडीओ पाहिल्यानंतर नेटकऱ्यांनी कमेंट्सचा पाऊस पाडला आहे. एका युझरने विचारलं, "या पोळपाटाची प्रॉडक्ट लिंक मिळेल का?" तर दुसऱ्याने लिहिलं, "माझ्या एका केमिस्ट्री प्रोफेसरसोबत मला असंच काहीसं करायचं होतं." आणखी एकाने कमेंट केली, "मार्केटमध्ये नवीन रोटी मेकर आलाय.. कृपया लिंक शेअर करा." एका युझरने तर "मी हे प्रॉडक्ट ऑर्डर करू शकतो का?" असा मजेशीर सवाल केलाय. तर एकाने "हा भाऊ किती शांत आहे यार," असं म्हणत भावाचं कौतुक केलंय.
