धोक्याची घंटा: 53 औषधे खराब आणि विषारी, जाणून घ्या तुमची औषधं यादीत नाहीत ना?

कोणतीही व्यक्ती आजारी असताना डॉक्टरांकडे जाते. आजारपणात त्याला बरे होण्यासाठी औषधांची गरज असते, पण जेव्हा तुमच्या औषधाचा दर्जा खराब होतो किंवा तेच औषध विष बनते तेव्हा काय होईल याची कल्पना करा. देशातील अनेक नामांकित कंपन्यांची ५३ औषधे लॅब टेस्टमध्ये फेल झाली आहेत. बहुतांश औषधांचा दर्जा निकृष्ट आहे. दोन औषधे विषारी आढळून आली आहेत. केंद्रीय औषध गुणवत्ता नियंत्रण संस्थेने आपल्या अहवालात हा खुलासा केला आहे. CDASCO ने औषधांची संपूर्ण यादीही प्रसिद्ध केली आहे.

CDASCO अहवालात काय आहे?

सेंट्रल ड्रग्ज क्वालिटी कंट्रोल ऑर्गनायझेशन (CDASCO) ने एका अहवालात म्हटले आहे की पॅरासिटामॉल, मधुमेहाची औषधे, रक्तदाबाची औषधे आणि जीवनसत्त्वे यासह 53 औषधे गुणवत्ता चाचणीत अयशस्वी ठरली आहेत. यातील काही औषधे विषारीही आढळून आली आहेत. औषधांच्या गुणवत्तेची चाचणी करणाऱ्या संस्थेनेही या औषधांच्या खराब स्थितीमुळे लोकांच्या सुरक्षिततेबाबत चिंता व्यक्त केली आहे.

CDASCO दर महिन्याला करते सॅम्पलिंग

CDASCO ही एक संस्था आहे जी औषधांच्या गुणवत्तेची खात्री करण्यासाठी देशाच्या विविध भागांमध्ये मासिक आधारावर नमुने घेते आणि नंतर त्या नमुन्यांची प्रयोगशाळेत चाचणी करून त्याचा अहवाल देते. CDASCO च्या चाचण्या हे सुनिश्चित करतात की निकृष्ट औषधे ओळखली जातात आणि सार्वजनिक आरोग्याचे रक्षण करण्यासाठी कारवाई केली जाते.

ही औषधे गुणवत्ता तपासणीत ठरली अपयशी

CDASCO च्या ताज्या अहवालानुसार, व्हिटॅमिन सी, शेलाकोल, व्हिटॅमिन डी सप्लिमेंट्स, व्हिटॅमिन बी कॉम्प्लेक्स आणि पॅन डी सारख्या अँटासिड्ससह अनेक औषधे गुणवत्ता चाचणीत अपयशी ठरली आहेत. पॅरासिटामॉल IP 500 mg, मधुमेहासाठी वापरलेले ग्लिमेपिराइड आणि उच्च रक्तदाबासाठी दिलेली Telmisartan सारखी औषधे देखील पूर्णपणे निकृष्ट दर्जाची असल्याचे आढळून आले. विशेषत: चाचणीत अपयशी ठरलेल्या पॅरासिटामोल गोळ्या कर्नाटक अँटिबायोटिक्स अँड फार्मास्युटिकल्स लिमिटेडने तयार केल्या आहेत. इतर औषधे Hetero Drugs, Alkem Labs, Hindustan Antibiotics, Mel Life Sciences आणि Pure and Cure Healthcare सारख्या कंपन्यांद्वारे उत्पादित केली जातात.

ही औषधे विषारी असल्याचे आढळून आले

क्वालिटी रिपोर्टनुसार, अल्केम लॅब्सची क्लॅव्हम 625 आणि पॅन डी औषधे विषारी आढळली. तथापि, या अहवालानंतर अल्केम लॅबने दावा केला आहे की अहवालात चिन्हांकित केलेल्या विशिष्ट बॅचेस तयार केल्या गेल्या नाहीत.

आणखी वाचा :

India's 2nd case: केरळमधील मलाप्प्रममधील 38 वर्षीय व्यक्तीला मंकीपॉक्स संसर्ग