मध्य प्रदेशातील सिंधिया राजवंशाचे राजकुमार महानआर्यमन यांच्यासोबत काय घडलं? कशी झाली गंभीर दुखापत?

Mahan Aryaman Scindia Injured In Car Accident : शिवपुरी दौऱ्यादरम्यान ज्योतिरादित्य सिंधिया यांचे पुत्र महान आर्यमन सिंधिया यांचा अपघात झाला. त्यांच्या छातीत तीव्र वेदना होऊ लागल्याने त्यांना जिल्हा रुग्णालयात दाखल करण्यात आले.

Image Credit : X

रुग्णालयात केले दाखल

मोदी सरकारमधील केंद्रीय मंत्री ज्योतिरादित्य सिंधिया यांचे पुत्र आणि मध्य प्रदेश क्रिकेट असोसिएशनचे अध्यक्ष महान आर्यमन सिंधिया यांच्या कारला अपघात झाला. ही बातमी भाजप कार्यकर्ते आणि सिंधिया समर्थकांना कळताच खळबळ उडाली आणि ते ज्या रुग्णालयात दाखल होते, तिथे गर्दी जमू लागली.

Image Credit : instagram@scindiagwalior

महान आर्यमन शिवपुरी दौऱ्यावर

महान आर्यमन सिंधिया दोन दिवसीय शिवपुरी दौऱ्यावर आहेत. ठरलेल्या कार्यक्रमानुसार, दुसऱ्या दिवशी सोमवारी ते कोलारस विधानसभेतील युवा संमेलनात सहभागी होण्यासाठी पोहोचले होते. त्यावेळी त्यांचे सहकारी आणि भाजप नेते लवलेश जैन यांनी अचानक ब्रेक लावल्याने महान आर्यमन यांच्या छातीला दुखापत झाली.

Image Credit : instagram@scindiagwalior

छातीत दुखू लागल्याने रुग्णालयात दाखल

कारचा अचानक ब्रेक लागल्याने महान आर्यमन यांची छाती सनरूफला धडकली. त्यामुळे त्यांच्या छातीत तीव्र वेदना होऊ लागल्या. त्यांना तातडीने शिवपुरीच्या जिल्हा रुग्णालयात नेण्यात आले. सुमारे 40 मिनिटे ते डॉक्टरांच्या देखरेखीखाली होते. त्यानंतर त्यांना डिस्चार्ज देण्यात आला.

Image Credit : instagram@scindiagwalior

एक्स-रे रिपोर्टमध्ये मस्क्युलर दुखापत

शिवपुरी रुग्णालयाचे जिल्हा आरोग्य अधिकारी डॉ. संजय रिषेश्वर यांनी सांगितले की, छातीत दुखत असल्याने महान आर्यमन सिंधिया यांना रुग्णालयात आणण्यात आले होते. त्यांची ईसीजी आणि एक्स-रे काढण्यात आला. रिपोर्टनुसार त्यांना किरकोळ मस्क्युलर दुखापत झाली आहे. सध्या त्यांची प्रकृती पूर्णपणे ठीक आहे.

Image Credit : X

महान आर्यमन यांचे सर्व दौरे रद्द

महान आर्यमन सिंधिया यांना आज अशोकनगरमधील चंदेरी येथे जायचे होते, परंतु या अपघातानंतर त्यांचे सर्व दौरे स्थगित करण्यात आले आहेत. चंदेरीचे आमदार जगन्नाथ सिंह रघुवंशी यांनी सांगितले की, महान आर्यमन यांची प्रकृती अचानक बिघडल्याने त्यांचा दौरा रद्द करण्यात आला आहे.