)
)
)
सार
किती सुंदर आहे, कोणीही पाहून हरखून जाईल अशा प्रकारच्या अनेक कमेंट्स या सुंदर मुलीच्या व्हिडिओवर येत आहेत. महाकुंभमेळ्यात माळा विकण्यासाठी आलेली ही मुलगी सध्या सोशल मीडियावर धुमाकूळ घालत आहे.
अनेक जण या मुलीची तुलना मोनालिसाशी करत आहेत. या मुलीचे फोटो आणि व्हिडिओ सोशल मीडियावर अनेकांनी शेअर केले आहेत. तिचे फोटो काढण्यासाठी, व्हिडिओ बनवण्यासाठी आणि सेल्फी काढण्यासाठी अनेक लोक तिच्याजवळ येताना दिसत आहेत.
तिचे सुंदर केस वेणी घातलेले आहेत. तिचा रंग चमकणाऱ्या वाळूसारखा आहे, तरीही लोकांना सर्वात जास्त आकर्षित केले आहे ते तिचे भावपूर्ण, खोल आणि राखाडी डोळे.
विविध फोटो आणि व्हिडिओमध्ये तिच्याभोवती लोक जमलेले दिसत आहेत. काही जण तिला कुठून आली आहेस असे विचारतानाही दिसत आहेत. तिच्या गळ्यात विविध प्रकारच्या माळा आहेत. तसेच विक्रीसाठी आणलेल्या माळा तिच्या हातात भरल्या आहेत.
सोशल मीडियावर ही मुलगी झपाट्याने व्हायरल झाली आहे. किती सुंदर डोळे आहेत अशा कमेंट्स काही जणांनी दिल्या आहेत. ती किती सुंदर आहे असेही काहींनी लिहिले आहे.
दरम्यान, महाकुंभमेळ्यातून असे अनेक व्हिडिओ आणि बातम्या येत आहेत. आयआयटी बाबा हा देखील व्हायरल झालेला व्यक्ती आहे. आयआयटी शिक्षण घेतलेले अभय सिंग हे आयआयटी बाबा कुंभमेळ्यात चर्चेत होते. …