Indigo flight canceled Hubali couple attended their marriage reception online : इंडिगो एअरलाइन्सची विमाने रद्द झाल्यामुळे एका नवविवाहित जोडप्याला त्यांच्या स्वतःच्या रिसेप्शनला उपस्थित राहता आले नाही.
Indigo flight canceled Hubali couple attended their marriage reception online : गेल्या चार दिवसांपासून देशभरात इंडिगो एअरलाइन्सची शेकडो विमाने रद्द होत असल्याने प्रवाशांना मोठा फटका बसला आहे. परिणामी, सर्व प्रमुख शहरांतील विमानतळांवर मोठ्या संख्येने प्रवासी ताटकळत उभे आहेत. शेकडो प्रवासी वेळेवर आपल्या घरी किंवा इच्छित स्थळी पोहोचू शकलेले नाहीत. कर्नाटकमध्ये अशाच एका अनोख्या घटनेत, एका नवविवाहित जोडप्याला त्यांच्या स्वतःच्या रिसेप्शनला प्रत्यक्ष उपस्थित राहता आले नाही. इंडिगोची विमाने रद्द झाल्यामुळे या जोडप्याने आपल्या रिसेप्शनमध्ये ऑनलाइन हजेरी लावली.
कर्नाटकात घडली अनपेक्षित घटना
कर्नाटकातील हुबळी येथे ही अनपेक्षित घटना घडली आहे. नवीन लग्न झालेल्या या जोडप्याला त्यांच्या स्वतःच्या रिसेप्शनमध्ये व्हर्च्युअल पद्धतीने सहभागी व्हावे लागले. इंडिगोची विमाने रद्द झाल्याने हे जोडपे ठरलेल्या वेळी रिसेप्शनसाठी पोहोचू शकले नाही.
मेधा कृषसागर (हुबळी) आणि संगमादास (भुवनेश्वर) या जोडप्याने विवाह केला आहे. दोघेही सॉफ्टवेअर इंजिनिअर असून, बंगळूरु येथे नोकरी करतात. हुबळीतील गुजरात भवनमध्ये त्यांचे रिसेप्शन आयोजित करण्यात आले होते.
Related Articles
विमाने रद्द झाल्याचे वाढला गोंधळ
या जोडप्याने २३ नोव्हेंबर रोजी भुवनेश्वर येथे लग्न केले होते. बुधवारी (डिसेंबर ४) मुलीच्या घरी औपचारिक रिसेप्शन आयोजित करण्यात आले होते. मात्र, मुलाच्या घरी हुबळी येथे आयोजित रिसेप्शन विमाने रद्द झाल्याने संकटात सापडले. या नवविवाहित जोडप्याने २ डिसेंबर रोजी भुवनेश्वरहून बंगळूरुसाठी विमानाची तिकिटे बुक केली होती, पण मंगळवारी (३ डिसेंबर) विमानाला उशीर झाला आणि त्यानंतर ती थेट रद्द करण्यात आली. भुवनेश्वरहून मुंबईमार्गे हुबळीला जाणाऱ्या अनेक नातेवाईकांनाही इंडिगोच्या या संकटाचा फटका बसला.
रिसेप्शनच्या ठिकाणी पाहुणे जमल्यावर, हे नवविवाहित जोडपे व्हिडिओ कॉन्फरन्सिंगद्वारे या कार्यक्रमात सहभागी झाले. त्यांनी भुवनेश्वर येथून व्हर्च्युअली आपल्या रिसेप्शनमध्ये सहभाग घेतला. २३ नोव्हेंबर रोजी लग्न झालेले हे जोडपे ३ डिसेंबर रोजी रिसेप्शन ठेवणार होते, पण इंडिगो विमाने रद्द होणे सुरुच राहिल्याने हा संपूर्ण कार्यक्रम व्हर्च्युअल पद्धतीने आयोजित करावा लागला.
