- Home
- India
- Indian Bank Recruitment : तुम्हाला बँकेत नोकरी करायची आहे? १५०० जागांसाठी भरती सुरु, लगेच अर्ज करा
Indian Bank Recruitment : तुम्हाला बँकेत नोकरी करायची आहे? १५०० जागांसाठी भरती सुरु, लगेच अर्ज करा
मुंबई - इंडियन बँकेने अप्रेंटिस पदांसाठी भरतीची घोषणा केली आहे. पात्र उमेदवार indianbank.in या वेबसाइटवर अर्ज करू शकतात. थेट लिंक येथे दिली आहे.
इंडियन बँकेत नोकरीची संधी
इंडियन बँकेने अप्रेंटिस पदांसाठी अर्ज मागवले आहेत. इच्छुक उमेदवार इंडियन बँकेच्या अधिकृत वेबसाइट indianbank.in द्वारे या पदांसाठी अर्ज करू शकतात. या भरती मोहिमेअंतर्गत कंपनीत १५०० अप्रेंटिस पदे भरण्यात येणार आहेत.
नोंदणी प्रक्रिया १८ जुलै रोजी सुरू झाली असून ७ ऑगस्ट २०२५ रोजी संपेल. पात्रता, निवड प्रक्रिया आणि इतर तपशीलांसाठी खाली वाचा.
पात्रतेचे निकष
या पदांसाठी अर्ज करू इच्छिणाऱ्या उमेदवारांनी मान्यताप्राप्त विद्यापीठातून कोणत्याही विषयात पदवी घेतलेली असावी किंवा केंद्र सरकारने मान्यता दिलेली समकक्ष पात्रता असावी. उमेदवारांनी ०१.०४.२०२१ रोजी किंवा त्यानंतर पदवी पूर्ण केली असावी आणि उत्तीर्णतेचे प्रमाणपत्र मिळाले असावे.
कट-ऑफ तारखेनुसार, उमेदवाराचे वय २० ते २८ वर्षांच्या दरम्यान असावे. तथापि, भारत सरकारच्या मार्गदर्शक तत्त्वांनुसार, अनुसूचित जाती / अनुसूचित जमाती / इतर मागासवर्गीय / शारीरिकदृष्ट्या अक्षम अशा वर्गासाठी कमाल वयोमर्यादेत सूट लागू होईल.
निवड प्रक्रिया
निवड प्रक्रियेमध्ये ऑनलाइन परीक्षा, स्थानिक भाषा प्रावीण्य परीक्षा यांचा समावेश आहे.
ऑनलाइन परीक्षा: ऑनलाइन परीक्षा (वस्तुनिष्ठ बहुपर्यायी प्रकार) पाच भाग / विभागांची असेल: तार्किक क्षमता, संगणक ज्ञान, इंग्रजी भाषा, संख्यात्मक क्षमता आणि बँकिंग क्षेत्राच्या विशेष संदर्भासह सामान्य जागरूकता. एकूण १०० प्रश्न विचारले जातील, कमाल गुण १०० असतील. वस्तुनिष्ठ परीक्षांमध्ये चुकीच्या उत्तरांसाठी नकारात्मक गुण असतील. प्रत्येक चुकीच्या उत्तरासाठी प्रश्नासाठी दिलेल्या गुणांमधून १/४ गुण वजा केले जातील.
स्थानिक भाषा प्रावीण्य परीक्षा (LLPT): विशिष्ट राज्यातील अप्रेंटिस पदांसाठी (रिक्त जागा) अर्ज करणाऱ्या उमेदवारांना त्या राज्याच्या विशिष्ट स्थानिक भाषांपैकी कोणत्याही एकीत (वाचन, लेखन, बोलणे आणि समजून घेणे) प्रावीण्य असणे आवश्यक आहे.
उदाहरणार्थ, महाराष्ट्रात पदे भरण्यात येणार आहेत, या पदासाठी अर्ज करणाऱ्यांना मराठीत लिहिता, वाचता, बोलता येणे आवश्यक आहे.
अर्ज शुल्क
सामान्य/ओबीसी/EWS उमेदवारांसाठी ₹८००/- आणि GST आणि SC/ST/दिव्यांगांसाठी ₹१७५/- आणि GST अर्ज शुल्क आकारले जाते. ऑनलाइन पेमेंटसाठी बँक व्यवहार शुल्क उमेदवारांना अर्ज शुल्क/माहिती शुल्कासोबत भरावे लागेल. डेबिट किंवा क्रेडिट कार्ड वापरून किंवा स्क्रीनवर विचारलेली माहिती देऊन इंटरनेट बँकिंगद्वारे पेमेंट करता येईल.
