मुलीची लिंक्डइनवरील भावनिक पोस्ट: 'बाबांना नोकरी द्या!'

दिल्लीतील एका तरुणीने लिंक्डइनवर आपल्या वडिलांना नोकरी मिळावी म्हणून केलेली भावनिक पोस्ट सध्या सोशल मीडियावर व्हायरल झाली आहे. प्रियांशी भट्ट या तरुणीने ऑटोमोबाईल क्षेत्रातील अनुभवी वडिलांना नोकरी देण्याची विनंती केली आहे. 'माझ्या वडिलांना नोकरी द्या' असे प्रियांशी भट्ट यांनी पोस्टमध्ये म्हटले आहे, ज्यामध्ये त्यांच्या वडिलांच्या अतुलनीय कौशल्याची आणि कामाच्या नीतीची प्रशंसा केली आहे.

माझे वडील लिंक्डइनसह कोणत्याही सोशल मीडिया प्लॅटफॉर्मचे सक्रिय वापरकर्ते नाहीत, म्हणून त्यांची अभिमानी मुलगी म्हणून, मी त्यांच्या वतीने त्यांचा बायोडाटा आणि अनुभव तुमच्यासोबत शेअर करू इच्छिते असे त्यांनी म्हटले आहे. आता व्हायरल झालेल्या पोस्टमध्ये, प्रियांशीने आपल्या वडिलांचे वर्णन ऑटोमोबाईल उद्योगात, विशेषतः पेंट शॉप विभागात ३० ते ४० वर्षांचा अनुभव असलेले मेहनती, प्रामाणिक आणि दयाळू व्यक्ती असे केले आहे. गेल्या काही दशकांत, त्यांनी स्वराज माजदा, मारुती जॉइंट व्हेंचर, अल्फा कोटेक इंडस्ट्रीज आणि केडी इंडस्ट्रीज सारख्या नामांकित कंपन्यांसोबत मॅनेजर, प्लांट हेड, डायरेक्टर आणि सीईओ अशा महत्त्वाच्या पदांवर काम केले आहे.

वडिलांच्या नेतृत्वगुणांबद्दल बोलताना प्रियांशी म्हणाल्या की, त्यांच्या अनेक माजी प्रशिक्षणार्थी आणि सहकारी अजूनही त्यांच्या हाताखाली काम करत आहेत. २०-३० वर्षांपूर्वी त्यांच्याकडून प्रशिक्षण घेतलेले लोक अजूनही त्यांच्यासोबत आहेत आणि त्यांच्या मार्गदर्शनाखाली राहण्यासाठी त्यांच्यासोबत कंपन्या बदलल्या आहेत.

तरीही प्रियांशीच्या वडिलांना सध्याच्या नोकरीत आर्थिक अस्थिरतेचा सामना करावा लागत आहे, जिथे त्यांना गेल्या एका वर्षापासून नियमित पगार मिळालेला नाही. तरीही, त्यांची कटिबद्धता अढळ आहे, कारण ते वीकेंडचा त्याग करतात आणि जास्त तास काम करतात, कंपनीला त्यांचे सर्वोत्तम देतात.

आर्थिक स्थैर्याची गरज अधोरेखित करत प्रियांशी म्हणाल्या की, त्यांच्या कुटुंबाच्या प्रोत्साहनामुळे, त्यांचे वडील अखेर ऑटोमोबाईल क्षेत्रात नवीन संधी शोधण्याचा निर्णय घेतला आहे. शिवाय, त्यांचे वडील अपवादात्मक संवाद कौशल्य, सखोल उद्योग ज्ञान आणि संघांना प्रेरित करण्याची आणि प्रभावीपणे नेतृत्व करण्याची क्षमता असलेले उपाय-केंद्रित व्यावसायिक आहेत.

म्हणूनच माझे वडील कोणत्याही संस्थेसाठी एक मौल्यवान संपत्ती असतील, त्यामुळे कृपया ही संधी गमावू नका. जर कोणी माझ्या वडिलांना नोकरी देण्यास इच्छुक असेल तर कृपया माझ्याशी संपर्क साधा, मी तुम्हाला त्यांच्याशी जोडेन. वाचल्याबद्दल धन्यवाद असे म्हणत प्रियांशी भट्ट यांनी आपली पोस्ट संपवली.

ही पोस्ट पाहून अनेक लिंक्डइन युजर्सनी तिचे कौतुक केले आहे. अशी पोस्ट मी पहिल्यांदाच पाहिली आहे. तुमच्यासारखी मुलगी मिळणे हे वडिलांचे भाग्य आहे. देव तुमच्या दोघांचे कल्याण करो. तुमच्या वडिलांना लवकरच चांगली संधी मिळेल याची मला खात्री आहे, असे एका युजरने म्हटले आहे. हा लिंक्डइनचा आतापर्यंतचा सर्वोत्तम वापर आहे. तुम्हाला आणि तुमच्या वडिलांना शुभेच्छा, असे दुसऱ्याने लिहिले आहे. तर आणखी एकाने लिहिले आहे की, ही किती प्रेरणादायी पोस्ट आहे! तुमच्या वडिलांच्या अद्भुत अनुभवाची आणि समर्पणाची कदर करणारी भूमिका त्यांना मिळो अशी शुभेच्छा.