जोडी बैलांनी ओढली इलेक्ट्रिक कार: व्हिडिओ व्हायरल

राजस्थान : लाखो रुपये मोजून खरेदी केलेल्या महागड्या इलेक्ट्रिक कारला बैलांची जोडी ओढून नेत असल्याचा व्हिडिओ स्थानिक आणि सोशल मीडियावर प्रचंड व्हायरल झाला आहे. हा व्हिडिओ पाहून नेटिझन्स खूप हसले आहेत.

राजस्थानमधील नगरपालिकेतील विरोधी पक्षनेत्यांची हायटेक इलेक्ट्रिक कार प्रवासादरम्यान बंद पडली. अखेर बैलांच्या मदतीने कारला सर्व्हिस सेंटरमध्ये ओढून नेण्यात आले. हा व्हिडिओ सोशल मीडियावर शेअर केल्यावर ट्रोलचा पूर आला. त्याचबरोबर इलेक्ट्रिक वाहनांच्या विश्वासार्हतेवरही चर्चा सुरू झाली. राजस्थानच्या डिडवाना जिल्ह्यातील कुचामन नगरपरिषदेचे विरोधी पक्षनेते अनिल सिंह मेडतिया यांच्या इलेक्ट्रिक कारचे हे झाले.

अनिल सिंह मेडतिया शहरतून जात असताना त्यांची इलेक्ट्रिक कार अचानक बंद पडली. रस्त्याच्या मध्यभागी थांबलेल्या कारमुळे इतर प्रवाशांनाही त्रास झाला. तेव्हा स्थानिक शेतकरी अनिल सिंह मेडतिया यांना मदत करण्यासाठी पुढे आले. शेतकऱ्यांनी आपल्या बैलांच्या साह्याने कार ओढून सर्व्हिस सेंटरमध्ये पोहोचवली. बैल महागडी इलेक्ट्रिक कार ओढत असल्याचे दृश्य पाहून रस्त्याने जाणाऱ्यांनाही हसू अनावर झाले. त्यांनी आपल्या मोबाईलमध्ये हा व्हिडिओ शूट करून सोशल मीडियावर शेअर केला.

इंडिया टुडेच्या वृत्तानुसार, त्यांची इलेक्ट्रिक कार सतत समस्या निर्माण करत असल्याचे त्यांनी सांगितले. एका वर्षात १६ वेळा विविध समस्यांमुळे कार सर्व्हिस सेंटरमध्ये नेण्यात आली आहे. जाहिरातीत सांगितल्याप्रमाणे कारला मायलेज मिळत नाही आणि तिची कामगिरी खराब असल्याचे त्यांनी सांगितले. पूर्ण चार्ज असतानाही कार कशी बंद पडली हे माहित नाही आणि कंपनी यावर प्रतिक्रिया देण्यास तयार नाही, असे अनिल सिंह मेडतिया म्हणाले. आधुनिकता आणि परंपरा येथे एकत्र आल्याचे सोशल मीडिया वापरकर्त्यांनी लिहिले आहे.