Almond Capital : भारताची बदाम राजधानी कोणती माहितीये? इथला बदाम आहे खास
Almond Capital: ड्रायफ्रुट्स म्हटलं की सगळ्यात आधी आठवतो तो बदाम. लहानांपासून मोठ्यांपर्यंत सगळ्यांनाच बदाम खायला आवडतो, आणि यात खूप पोषक घटक असतात. पण तुम्हाला माहितीये का, आपल्या देशात बदाम सर्वात जास्त कुठे पिकतो?

भारताची बदाम राजधानी
ड्रायफ्रुट्समध्ये बदामाला एक खास स्थान आहे. रोज थोडे बदाम खाणं आरोग्यासाठी चांगलं असल्याचं तज्ज्ञही सांगतात. पण आपण आवडीने खात असलेला हा बदाम आपल्या देशात सर्वात जास्त कुठे पिकतो, हे तुम्हाला माहितीये का? आपल्या देशात बदाम उत्पादनासाठी प्रसिद्ध असलेलं ठिकाण कोणतं?

जम्मू काश्मीर
आपल्या देशात बदामाचं सर्वाधिक पीक घेणारा भाग म्हणजे जम्मू काश्मीर. खासकरून काश्मीर खोऱ्यातील अनेक भागांत बदामाची शेती होते. इथलं हवामान आणि अनुकूल माती बदामाच्या झाडांच्या वाढीसाठी पोषक आहे. यामुळेच आपल्या देशातील बदाम उत्पादनात जम्मू काश्मीर पहिल्या स्थानावर आहे.
जम्मू काश्मीरमध्ये बदामाची शेती जास्त का?
बदामाची झाडं सगळ्याच भागांत एकसारखी वाढत नाहीत. त्यांच्या वाढीसाठी विशिष्ट हवामानाची गरज असते. खासकरून थंड हवामान, पुरेसा सूर्यप्रकाश आणि पाणी न साचणारी माती बदामाच्या शेतीसाठी अनुकूल असते. जम्मू काश्मीरमधील अनेक भागांत असंच हवामान पाहायला मिळतं.
बदामाची शेती होणारे इतर भाग
आपल्या देशात बदामाची शेती प्रामुख्याने जम्मू काश्मीर, हिमाचल प्रदेश आणि गुजरातसारख्या भागांत होते. पण उत्पादनाच्या बाबतीत जम्मू काश्मीर इतर भागांपेक्षा खूप पुढे आहे. काही आकडेवारीनुसार, देशभरात उत्पादित होणाऱ्या बदामांपैकी ८३ टक्क्यांहून अधिक वाटा जम्मू काश्मीरचा आहे.
जास्तीचे उत्पन्न
जम्मू काश्मीरमध्ये शेती हा अनेक कुटुंबांच्या उदरनिर्वाहाचा मुख्य स्रोत आहे. सफरचंद, अक्रोड, बदाम यांसारख्या ड्रायफ्रुट्सचा इथल्या फलोत्पादन क्षेत्रात महत्त्वाचा वाटा आहे. खासकरून बदामाचं पीक शेतकऱ्यांना जास्तीचं उत्पन्न देणारं पीक ठरत आहे.
बदामामधील पोषक घटक
बदामामध्ये अनेक पोषक घटक लपलेले असतात. यात प्रथिने, निरोगी चरबी, फायबर, व्हिटॅमिन ई आणि मॅग्नेशियम यांसारखे घटक असतात. संतुलित आहाराचा भाग म्हणून ते शरीरासाठी खूप उपयुक्त ठरतात. खासकरून व्हिटॅमिन ई अँटिऑक्सिडेंट म्हणून काम करतं. बदामातील फायबर पचनसंस्थेचं आरोग्य चांगलं ठेवायला मदत करतं. पण ते प्रमाणात खाणं चांगलं.
