१४ वर्षीय मुलीने रस्त्यातच बाळाला दिला जन्म

भोपाळ (नोव्हेंबर २०) मुली आणि अल्पवयीन मुलांवर होणाऱ्या अत्याचाराच्या घटनांना आळा बसत नाहीये. दिवसेंदिवस भयंकर घटना घडत आहेत. अल्पवयीन मुलांवर झालेल्या अनेक घटना कधीच उघडकीस येत नाहीत. यापैकी काही घटनाच वृत्तपत्रात येतात. यापैकी काही आरोपींनाच शिक्षा झाली आहे. आता मध्य प्रदेशातील मोरेना येथे १४ वर्षीय मुलीने बाळाला जन्म दिल्याची घटना घडली आहे. ही लहान मुलगी. शाळा, महाविद्यालय, व्यावसायिक अभ्यासक्रम, नंतर नोकरी, व्यवसाय असे स्वप्न पाहत असतानाच ती आई झाली आहे. गेल्या ९ महिन्यांपासून तिच्या पोटात बाळ वाढत आहे हे तिला माहीत नव्हते. पोट दुखतंय आई. सहन होत नाहीये, असे म्हणत ती रडत होती. मुलीला घेऊन रुग्णालयातून रुग्णालयात फिरत असताना रस्त्यातच या अल्पवयीन मुलीने बाळाला जन्म दिला.

मोरेना येथील १४ वर्षीय मुलीला पोटात तीव्र वेदना होऊ लागल्या. तिने आईला सांगितले. घरी ती रडत होती. या मुलीची आईही घाबरली. तिने तिला सरळ जिल्हा रुग्णालयात नेले. तपासणी केल्यावर अल्पवयीन मुलगी गर्भवती असल्याचे समजले. त्यामुळे जिल्हा रुग्णालयातील कर्मचाऱ्यांनी खाजगी रुग्णालयात दाखल करण्यास सांगितले. खाजगी रुग्णालयातील कर्मचाऱ्यांनी ती अल्पवयीन असल्याने पोलिस केस झाल्यास रुग्णालयाच्या नावावर वाईट परिणाम होईल म्हणून येथे दाखल करण्याची सुविधा नाही. तुम्ही जिल्हा रुग्णालयात जा, असे सांगितले.

खाजगी रुग्णालयातून पुन्हा जिल्हा रुग्णालयाकडे चालत जाताना मुलीला प्रसूतीच्या वेदनांमुळे रस्त्यातच मुलीला जन्म दिला. कुटुंबीय हवालावले. १४ वर्षीय मुलीला काय झाले हे कळत नव्हते. स्थानिकांच्या मदतीने तिला जिल्हा रुग्णालयात दाखल करण्यात आले. पोलिसही घटनास्थळी आले. डॉक्टर आणि मुलीच्या आईचे जबाब नोंदवले. मुलीवर उपचार सुरू असल्याने तिचा जबाब नोंदवला नाही. पोलिसांनी गुन्हा दाखल करून अल्पवयीन मुलगी कोणाकडून गर्भवती झाली हे शोधण्यास सुरुवात केली आहे. पालकांना काय करावे ते सुचत नाही.

ही एकटी घटना नाही, अशा अनेक घटना घडल्या आहेत. लहान मुली आई झाल्या आहेत. त्यांचे संपूर्ण आयुष्य नरकात जाते. अशा प्रकारे जन्मलेल्या मुलांचे भविष्यही उद्ध्वस्त होते.