Toxic Review : बॉक्स ऑफिसवर धुमाकूळ घालणार यश? 'टॉक्सिक'चा पहिला रिव्ह्यू आला समोर!

'KGF 2' नंतर तब्बल चार वर्षांनी यश 'टॉक्सिक' घेऊन येतोय. २६ ऑगस्टला रिलीज होणाऱ्या या सिनेमाचा पहिला रिव्ह्यू आता समोर आला आहे.

Image Credit : X/@KvnProductions

सिनेमाला 'A' सर्टिफिकेट!

या सिनेमाला सेन्सॉर बोर्डाने 'A' सर्टिफिकेट दिलं आहे. म्हणजे, फक्त १८ वर्षांवरील प्रेक्षकच हा सिनेमा पाहू शकतील. सिनेमात भरपूर रोमान्स, ॲक्शन, हिंसा आणि धूम्रपान-मद्यपानाची दृश्यं असल्यामुळे 'A' सर्टिफिकेट दिलं गेल्याचं बोललं जातंय. सिनेमाचा रनटाईम ३ तास १४ मिनिटं आहे. काही समीक्षक आणि वितरकांनी हा सिनेमा आधीच पाहिला असून, त्यांच्या रिपोर्टनुसार सिनेमा कसा आहे याचा अंदाज येतोय.

Image Credit : X/@KvnProductions

गोव्याची माफियागिरी... हे आहे कथानक!

भारताला स्वातंत्र्य मिळालं, पण गोवा तेव्हाही पोर्तुगीजांच्या ताब्यात होता. अगदी आपल्या हैदराबादच्या निजामासारखं. त्या काळात गोव्यात अवैध धंदे आणि माफियांचं राज्य होतं. ड्रग्सची तस्करी, सत्तेसाठी स्पर्धा, विश्वासघात आणि पॉवर पॉलिटिक्समुळे सगळीकडे रक्ताचे सडे पडले होते. या जगात 'रॉय' (यश) स्वतःची जागा कशी निर्माण करतो आणि कसा मोठा होतो, ही या सिनेमाची कथा आहे. यात यशची बहीण 'गंगा'च्या भूमिकेत नयनतारा आहे, तर प्रेयसी 'नादिया'च्या भूमिकेत कियारा अडवाणी दिसणार आहे. पण, स्वतःची बहीणच भावाला मारायचा कट रचते. त्यामागचं कारण काय, हे मात्र सस्पेन्स आहे. सिनेमाचं आणखी एक वैशिष्ट्य म्हणजे यश यात 'रॉय' आणि 'रुमी' अशा दुहेरी भूमिकेत, तीन वेगवेगळ्या लूकमध्ये दिसणार आहे.

Image Credit : X/@KvnProductions

यशचा अभिनय... सिनेमाचे हायलाइट्स!

सिनेमाबद्दल दोन प्रकारच्या प्रतिक्रिया येत आहेत. यशने दोन्ही भूमिकांमध्ये जबरदस्त काम केल्याचं म्हटलं जातंय. हा त्याच्या करिअरमधला सर्वोत्तम अभिनय ठरू शकतो, असंही बोललं जातंय. कथेला महत्त्व दिल्यामुळे सिनेमा खूप खोलवर जातो, त्यामुळे तो एकरूप होऊनच पाहावा लागेल. यश आणि कियारा अडवाणी यांच्यातील रोमँटिक सीन्स प्रेक्षकांसाठी एक ट्रीट असेल अशी चर्चा आहे. 'नादिया'च्या भूमिकेत कियाराने कमाल केली आहे. त्याचबरोबर, यश आणि नयनतारा यांच्यातील इमोशनल सीन्स सिनेमाचा मोठा प्लस पॉइंट ठरतील, अशी माहिती आहे. रुक्मिणी वसंत, हुमा कुरेशी आणि तारा सुतारिया यांच्या भूमिका सरप्राईज देतील, असंही सांगितलं जातंय.

Image Credit : X/@KvnProductions

बॉक्स ऑफिस सुनामीसाठी सज्ज!

सिनेमाची प्रत्येक फ्रेम भव्य आणि डोळ्यांसाठी मेजवानी असल्याचं म्हटलं जातंय. रवी बसरूर यांच्या म्युझिक आणि BGM ने सिनेमात जीव ओतला आहे. ॲक्शन सीन्स थिएटरमध्ये शिट्ट्या मिळवतील, अशी चर्चा आहे. टीझर-ट्रेलरमध्ये दाखवल्याप्रमाणे फक्त रोमान्स आणि ॲक्शनच नाही, तर इमोशन्सनाही महत्त्व दिलं आहे. 'रॉय'चा किंग बनण्याचा प्रवास थरारक असेल आणि 'रॉय-रुमी' यांच्यातील फायटिंग सीनही जबरदस्त असेल, असं समीक्षक म्हणत आहेत. बॉक्स ऑफिसवर सुनामी नक्की येईल आणि हा सिनेमा 'KGF 2' चा रेकॉर्ड तोडेल, असंही म्हटलं जातंय. पण, हे सगळं पेड प्रमोशन असल्याच्या चर्चांनाही उधाण आलं आहे. बॉलिवूड समीक्षक केआरके (KRK) सारख्या लोकांना पैसे देऊन पॉझिटिव्ह रिव्ह्यू लिहायला लावत असल्याचं बोललं जातंय. पेड समीक्षक 4 स्टार रेटिंग देत आहेत, पण आता त्यांच्यावर कोणी विश्वास ठेवत नाही, असंही एक मत आहे.

Image Credit : X/@KvnProductions

'टॉक्सिक' म्हणजे यशच्या करिअरमधला 'साहो'?

पण फक्त केआरकेच नाही, तर उमैर संधूनेही सिनेमाला निगेटिव्ह रिव्ह्यू दिला आहे. 'टॉक्सिक' हा सिनेमा यशच्या करिअरमधला 'साहो' ठरेल, असं त्याने म्हटलं आहे. यश आणि तारा सुतारियाची जोडी चांगली असली तरी, यशची डायलॉग डिलिव्हरी चांगली नसल्याचं त्याने म्हटलंय. हा एक बी-ग्रेड, सेमी-पोर्न सिनेमा असून स्टंट्स चांगले नाहीत, असंही त्याने पोस्ट केलं आहे. कियाराचा लूक चांगला असला तरी, तिचा अभिनय साधारण आहे आणि ती 'क्रिंज' वाटते, अशी कमेंट त्याने केली आहे. हा सिनेमा 'ॲनिमल'ची कॉपी वाटत असल्याचंही त्याने म्हटलं आहे. यशने कथा, पटकथा, दिग्दर्शन आणि निर्मिती अशा सगळ्या जबाबदाऱ्या घेतल्यामुळे सिनेमाचं मोठं नुकसान झालं आहे, असं तो म्हणतो. थोडक्यात, 'टॉक्सिक' एक अत्यंत वाईट सिनेमा असल्याचं सांगत त्याने फक्त 2 स्टार रेटिंग दिल्याने सर्वांनाच धक्का बसला आहे. अशाप्रकारे 'टॉक्सिक'बद्दल पॉझिटिव्ह आणि निगेटिव्ह अशा दोन्ही प्रकारच्या प्रतिक्रिया येत आहेत. पण केआरके आणि उमैर संधू या दोघांवरही आता लोक फारसा विश्वास ठेवत नाहीत. त्यामुळे, सिनेमाचा खरा निकाल काय आहे हे जाणून घेण्यासाठी, एशियानेट न्यूज मराठीच्या ओरिजिनल रिव्ह्यूची वाट पाहा.