Salman Khan Cameo : 'राजा शिवाजी' सिनेमामध्ये सलमानची एन्ट्री कशी झाली? वाचा खास किस्सा

Salman Khan Cameo : महाराष्ट्र दिनी रिलीज झालेल्या 'राजा शिवाजी' या मराठी-हिंदी सिनेमाची चर्चा फक्त त्याच्या भव्यतेमुळे नाही, तर सलमान खानच्या सरप्राइज कॅमिओमुळेही होतेय. पण या सिनेमात सलमान खानची एन्ट्री झाली तरी कशी? 

Image Credit : instagram

'राजा शिवाजी' सिनेमाचा धुमाकूळ

'राजा शिवाजी' हा छत्रपती शिवाजी महाराजांच्या आयुष्यावर आधारलेला एक भव्य सिनेमा आहे. रितेश देशमुख यात मुख्य भूमिकेसह दिग्दर्शनही करत आहे. या सिनेमात संजय दत्त, अभिषेक बच्चन यांच्यासारखे मोठे कलाकारही दिसणार आहेत.

Image Credit : X

सलमान खानच्या कॅमिओवर चर्चा

या सिनेमात सलमान खानचा कॅमिओ प्रेक्षकांसाठी सर्वात मोठं सरप्राइज ठरला आहे. त्याची छोटी पण दमदार भूमिका सिनेमाची क्रेझ आणखी वाढवत आहे. तो या सिनेमात छत्रपती शिवाजी महाराजांचे अंगरक्षक जिवाजी महाला यांच्या भूमिकेत दिसणार आहे.

Image Credit : X

सिनेमात कशी मिळाली सलमानला भूमिका?

रितेश देशमुखने 'लोकसत्ता'ला दिलेल्या मुलाखतीत सांगितलं, 'मी या सिनेमासाठी त्याच्याकडे गेलो नव्हतो. आम्ही नवीन वर्षाच्या दिवशी एकत्र होतो. त्याने विचारलं की शूट कधी सुरू होतंय. मग तो म्हणाला - मी कोणता रोल करतोय?' रितेशच्या म्हणण्यानुसार, जेव्हा त्याला सांगितलं की अजून काही रोल ठरलेला नाही, तेव्हा सलमान म्हणाला, 'नाही, नाही, नाही... तू माझ्याशिवाय हा सिनेमा बनवू शकत नाहीस, मला यात काम करायचंच आहे.'

Image Credit : X

रितेशसोबतच्या मैत्रीमुळे सलमानचा कॅमिओ?

रितेशने त्याच्या 'लय भारी' आणि 'वेड' या सिनेमांचा उल्लेख करत सांगितलं, 'जेव्हा मी 'लय भारी' करत होतो, तेव्हा सलमान स्वतः म्हणाला होता की, मला एक सीन करायचा आहे.' तो पुढे म्हणाला, 'त्याने फक्त विचारलं - शूट किती दिवसांचं आहे? मी म्हणालो दोन दिवस, आणि त्याने लगेच होकार दिला.'

Image Credit : X

सलमान खानच्या सिनेमातील एन्ट्रीबद्दलचा किस्सा

रितेशने सांगितलं, 'तो आपलेपणा आणि ते भावनिक नातं... मी विचार करत होतो की मी याचा विचारच केला नव्हता. तो म्हणाला - सिनेमात माझाही एक रोल असायला हवा. मग एक भूमिका तयार झाली आणि सलमान या सिनेमाचा भाग बनला.' हेच भावनिक नातं त्याच्या कॅमिओचं सर्वात मोठं कारण ठरलं.